Gujarati News

Gujarati News

News of Thursday, 8th March 2018

સુલતાન અઝલાન શાહ કપ હોકી ટુર્નામેન્ટમાં ભારતની વિજય કૂચ

નવી દિલ્હી:સુલતાન અઝલાન શાહ કપ હોકી ટુર્નામેન્ટની ચોથી મેચમાં ભારતે પ્રથમ વિજય મેળવતા યજમાન મલેશિયાને ૫-૧થી કચડી નાંખ્યું હતુ. ભારત તરફથી ગુરજંત સિંઘે બે જ્યારે શિલાનંદ લાકરા, રમનદીપ સિંઘ અને સુમિત કુમારે એક-એક ગોલ ફટકાર્યા હતા. ભારતીય ગોલકિપર સુરજ કારકેરાએ અસરકારક દેખાવ કરતાં ટીમનો આત્મવિશ્વાસ ટકાવી રાખ્યો હતો. છ દેશોની હોકી ટુર્નામેન્ટની ચોથી મેચમાં પહેલી જીત સાથે ભારત પોઈન્ટ ટેબલમાં છેક પાંચમા સ્થાને છે. આજે રમાયેલી અન્ય મેચમાં ઓસ્ટ્રેલિયાએ ૪-૧થી આયર્લેન્ડને હરાવીને સતત ચોથી મેચમાં ચોથો વિજય મેળવતા ફાઈનલમાં સ્થાન નિશ્ચિત કર્યું હતુ. જ્યારે આર્જેન્ટીના અને ઈંગ્લેન્ડ વચ્ચેની મેચ ૧-૧થી બરોબરી પર સમાપ્ત થઈ હતી. આ સાથે આર્જેન્ટીનાએ ૭ પોઈન્ટ સાથે બીજું સ્થાન મેળવ્યું હતુ. મલેશિયા બે જીત અને બે હાર સાથે છ પોઈન્ટ લઈને ત્રીજા ક્રમે છે. જ્યારે ઈંગ્લેન્ડ ૪ મેચમાં એક જીત, બે હાર અને એક ડ્રો સાથે પાંચ પોઈન્ટ મેળવીને ચોથા ક્રમે છે. હવે આવતીકાલના રેસ્ટ ડે પછી ભારત તેની આખરી મેચમાં આયર્લેન્ડ સામે ટકરાશે. જો ભારત આ મેચમાં મોટા અંતરથી જીત મેળવશે તો બ્રોન્ઝ મેડલ જીતવાની આશા જીવંત બની શકે તેમ છે. આર્જેન્ટીના અને ઓસ્ટ્રેલિયા વચ્ચે ફાઈનલ અગાઉ આખરી ગુ્રપ મેચમાં પ્રેક્ટિસ મુકાબલો જોવા મળશે. જ્યારે મલેશિયા અને ઈંગ્લેન્ડ વચ્ચેની મેચ ભારત માટે મહત્વની રહેશે.

 

 

(5:39 pm IST)
  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST

  • ગુજરાત વિધાનસભામાં અપાઈ વિગતો :22 ધારાસભ્યોને ડાયાબિટીસ અને 90ને બ્લડપ્રેસર :વિધાનસભાનો સમય બદલવા વિચારણા :12ને બદલે 11 થી 4-30 કરવા અને શુક્રવારે 9-30 થી 2 સુધી કરવા વિચારણા access_time 12:00 am IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST