News of Wednesday, 7th February 2018

પેડમેન ચેલેન્જ સ્વીકારી સિંધુ અને રવિ શાસ્ત્રીએ

અક્ષયકુમારની ફિલ્મ 'પેડમેન' મેન્સ્ટ્રુએશનને લઈને લોકોમાં રહેલી ગેરસમજ દૂર કરવાનો પ્રયાસ કરવાની છે એવા સમયે બોલીવૂડની ઘણી સેલીબ્રીટીઝ સોશ્યલ મીડીયા પર 'પેડમેન ચેલેન્જ' હેઠળ સેનીટરી નેપ્કિન સાથે તેમના ફોટો શેર કરી રહી છે. દિપીકા પાદુકોણે પેડ સાથે ફોટો ઈન્સ્ટાગ્રામ પર મૂકયા બાદ બેડમિન્ટન ખેલાડી પી. વી. સિંધુને ટેગ કરી હતી અને એથી સિંધુએ પણ હાથમાં પેડ સાથેનો ફોટો ઈન્સ્ટાગ્રામ પર મૂકયો હતો અને લખ્યુ હતું કે 'દીપિકા, મને ટેગ કરવા બદલ થેન્ક યુ.'

બીજી તરફ ટીમ ઈન્ડિયાના કોચ રવિ શાસ્ત્રીએ પણ આ ચેલેન્જ સ્વીકારીને હાથમાં પેડ સાથેનો ફોટો ઈન્સ્ટાગ્રામ પર મૂકયો હતો. તેણે આ પોસ્ટમાં વિરાટ કોહલી અને લિએન્ડર પેસને પણ ટેગ કરીને લખ્યુ હતું કે, 'હા, મારા હાથમાં પણ પેડ છે અને એમાં કોઈ શરમ નથી.'

(12:42 pm IST)
  • ચુંટણી પંચનો સ્પે. ઓર્ડર..એક માસનો વધારાનો પગાર મળશેઃ ર૦૧૭ ની વિધાનસભા ચુંટણીમાં ખાસ રોકાયેલ અને ઓર્ડર જેનો ચુંટણી માટે થયો હતો તેવા તમામ નાયબ મામલતદાર-મામલતદાર-ડે.કલેકટર-કલેકટરને ડીસેમ્બર માસનો એક વધારાનો ખાસ પગાર-મોંઘવારી ભથ્થું મળશેઃ પરીપત્ર આવી ગયો access_time 11:38 am IST

  • સુપ્રીમ કોર્ટે ગોવાની તમામ ૮૮ લોખંડની ખાણોના ખોદકામના લાયસન્સ રદ કર્યા : કોર્ટે રાજ્યને નવી ખોદકામ નીતિ હેઠળ ખાણોની ફાળવણી કરવા અને પર્યાવરણીય મંજૂરી લાવ્યા બાદ બીજીવાર ખોદકામ શરૂ કરવા જણાવ્યું : કોર્ટ અનુસાર, આ બધી ખાણોમાંથી માત્ર ૧૫ માર્ચ સુધી જ ખોદકામ કરી શકાશે access_time 3:30 pm IST

  • ઇમ્ફાલમાં આસામ રાઇફલ્સના કેમ્પ ઉપર ત્રાસવાદીઓ ત્રાટકયાઃ ૧૧ જવાનો ઘાયલ : મણીપુરની રાજધાની ઇમ્ફાલમાં તૈનાત આસામ રાઇફલ્સના ટ્રાન્ઝીટ કેમ્પમાં આજે સવારે એક પછી એક બે વિસ્ફોટો થયા, જેમાં ૧૧ જવાનો ઘવાયા છે. ઉગ્રવાદિઓએ પ્રશ્ચિમ ઇમ્ફાલમાં ખુમાન લંપક મુખ્ય સ્ટેડિયમ પાસે આ વિસ્ફોટો થયેલ. કોઇ આતંકી જુથોએ હજુ સુધી હુમલાની જવાબદારી મળી નથી. access_time 3:47 pm IST