Gujarati News

Gujarati News

News of Friday, 5th March 2021

રોડ સેફટી વર્લ્ડ સિરીઝ : વીરેન્દ્ર સેહવાગની વિસ્ફોટક બેટિંગ : ઈન્ડિયા લિજેન્ડ્સે બાંગ્લાદેશ લિજેન્ડ્સને 10 વિકેટથી હરાવ્યું

સેહવાગે 35 બોલમાં 80 રન ઝૂડી નાખ્યા :ફક્ત 20 બોલમાં અડધી સદી ફટકારી : સચિન તેંડુલકર 33 રન બનાવી અણનમ

નવી દિલ્હી: રોડ સેફ્ટી વર્લ્ડ સીરિઝના પ્રથમ મુકાબલમાં ઈન્ડિયા લિજેન્ડ્સે તોફાની શરુઆત કરતા બાંગ્લાદેશ લિજેન્ડ્સને 10 વિકેટથી હરાવ્યું હતું. બાંગ્લેદેશે આપેલા 110 રનના લક્ષ્‍યાંકને વિરેન્દ્ર સેહવાગ અને સચિન તેંડુલકરની જોડીએ 10.1 ઓવરમાંજ પાર પાડ્યો હતો અને ટીમને શાનદાર જીત અપાવી હતી.

 

સેહવાગે 35 બોલમાં 80 રનની તોફાની બેટિંગ કરી હતી. વીરેન્દ્ર સેહવાગે ફક્ત 20 બોલમાં પોતાની અડધી સદી પૂરી કરી હતી. જ્યારે સચિન તેંડુલકર 33 રન બનાવી અણનમ રહ્યો હતો
ટોસ જીતીને પ્રથમ બેટિંગ કરતા બાંગ્લાદેશ લિજેન્ડ્સે 109 રન બનાવ્યા હતા. બાંગ્લાદેશ તરફથી મોહમ્મદ નઝીમુદ્દીને 49 રન બનાવ્યા હતા. ઈન્ડિયા લિજેન્ડ્સ તરફથી પ્રજ્ઞાન ઓઝા, યુવરાજ સિંહ અને વિનય કુમારે 2-2 વિકેટ ઝડપી હતી. યુસુફ પઠાણ તથા મનપ્રીત ગોનીએ એક-એક વિકેટ લીધી હતી

(12:37 am IST)
  • અમદાવાદ : ભારતીય જનતા પક્ષના શહેર પ્રમુખો અને મોરચા સેલના હોદ્દેદારો સાથે પક્ષપ્રમુખ સી.આર. પાટીલ, પક્ષના મહામંત્રી ભીખુભાઈ દલસાણીયા સહિતના આગેવાનોની વર્ચ્યુઅલ મીટીંગમાં તમામ સ્તરેથી વડીલોને વેક્સીનેશન માટે પ્રેરીત કરવા અને જરૂર પડે ત્યા વેક્સીનેશન બુથ સુધી લઈ જવા આદેશ અપાયાનું જાણવા મળે છે access_time 3:27 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11:30 વાગ્યા સુધીમાં કોરોનાના નવા 18, 684 કેસ નોંધાયા :કુલ કેસની સંખ્યા 1,12,10,580 થઇ :એક્ટિવ કેસ 1,81,664 થયા વધુ 14,338 દર્દીઓ સ્વસ્થ થતા કુલ 1,08,66,536 થયા :વધુ 98 લોકોના મોત સાથે કુલ મૃત્યુઆંક 1,57,791 થયા: દેશમાં સૌથી વધુ મહારાષ્ટ્રમાં નવા 10,187 નવા કેસ નોંધાયા access_time 12:20 am IST

  • ટીમ ઈન્ડિયા ૩૬૫ રનમાં ઓલઆઉટઃ સુંદર (૯૬ રન નોટઆઉટ) સદી ચૂકયો : ૧૫૮ રનની મહત્વની લીડ : અમદાવાદ ટેસ્ટના ત્રીજા દિવસે ભારત ૧૧૪.૪ ઓવરમાં ૩૬૫ રન બનાવી ઓલઆઉટ થયુ છે : સુંદર અને અક્ષર પટેલે શાનદાર બેટીંગનું પ્રદર્શન કરી ભારતને વિનીંગ પોઝીશનમાં લાવી દીધુ છે : કમનસીબે અક્ષર પટેલ ૪૩ રને આઉટ થયા બાદ ઈશાંત અને સિરાજ પણ આઉટ થઈ ગયા હતા : સુંદર સદી ચૂકી જતા નિરાશ થયો હતો તે ૯૬ રને નોટઆઉટ રહ્યો હતો : ઈંગ્લેન્ડના બોલરો સ્ટોકસ ૪, ઍન્ડરસન ૩, લીચને ૨ વિકેટ મળી છે : ભારતને ૧૫૮ રનની મહત્વની લીડ મળી છે access_time 11:35 am IST