Gujarati News

નવી દિલ્હી:ગઈ કાલે કિમ્બર્લીમાં યોજાયેલી વન-ડે મૅચમાં ભારતીય મહિલા ક્રિકેટ ટીમે સાઉથ આફ્રિકાની ટીમને ૮૮ રને હરાવીને વિજયી પ્રારંભ કર્યો હતો.

સાઉથ આફ્રિકામાં રમાયેલી મહિલા ક્રિકેટ ચૅમ્પિયનશિપના પહેલા રાઉન્ડમાં ગઈ કાલે કિમ્બર્લીમાં યોજાયેલી વન-ડે મૅચમાં ભારતીય મહિલા ક્રિકેટ ટીમે સાઉથ આફ્રિકાની ટીમને ૮૮ રને હરાવીને વિજયી પ્રારંભ કર્યો હતો. ટૉસ જીતીને પહેલાં બૅટિંગ કરતાં ભારતે ૫૦ ઓïવરમાં ૭ વિકેટે ૨૧૩ બનાવ્યા હતા જેમાં ૯૮ બૉલમાં ૮ ફોર અને એક સિક્સરની મદદથી સ્મૃતિ મંધાનાએ ૮૪ રન જ્યારે કૅપ્ટન મિતાલી રાજે ૪૫ રન બનાવ્યા હતા. જવાબમાં સાઉથ આફ્રિકાની આખી ટીમ ૪૩.૨ ઓવરમાં ૧૨૫ રન બનાવી શકી હતી. ભારત વતી ઝુલન ગોસ્વામીએ ૨૪ રનમાં ૪, શિખા પાંડેએ ૨૩ રનમાં ૩, પૂનમ યાદવે બાવીસ રનમાં બે અને આર. એસ. ગાયકવાડે ૨૦ રનમાં એક વિકેટ લીધી હતી. સ્મૃતિ મંધાનાને પ્લેયર ઑફ ધ મૅચ જાહેર કરવામાં આવી હતી.