News of Wednesday, 13th December 2017

ટી-20માં બનાવ્યો ક્રિસ ગેલે અનોખો રેકોર્ડ

નવી દિલ્હી:યૂનિવર્સ બોસના નામથી પ્રખ્યાત Chris Gayle એ ટી-૨૦ ક્રિકેટનો નવો રેકોર્ડ પોતાના નામે કરી લીધો છે. ક્રિસ ગેલ ટી-૨૦ ક્રિકેટની એક ઈનિંગમાં સૌથી વધુ સિક્સર ફટકારનાર બેટ્સમેન બની ગયા છે. ક્રિસ ગેલે બાંગ્લાદેશ પ્રીમિયર લીગની ફાઈનલમાં રંગપુર રાઈડર્સ તરફથી રમતા ઢાકા ડાયનામાઇટ્સ સામે ૧૮ સિક્સર ફટકારી હતી. ક્રિસ ગેલે પોતાનો જ રેકોર્ડ તોડ્યો, આ અગાઉ તેમને ૨૦૧૩ માં આઈપીએલમાં ૧૭ સિક્સર ફટકારી હતી.ક્રિસ ગેલે ૬૯ બોલમાં અણનમ ૧૪૬ રનની ઇનિંગ રમી જેમાં પાંચ ચોગ્ગા અને ૧૮ સિક્સરનો સમાવેશ થાય છે. ક્રિસ ગેલની આ શાનદાર ઇનિંગના આધારે રોગપુરે નિર્ધારિત ૨૦ ઓવરમાં ૧ વિકેટ ગુમાવી ૨૦૬ રનનો વિશાલ સ્કોર બનાવ્યો હતો. તેમને બ્રેન્ડન મેક્કુલમની સાથે બીજી વિકેટ માટે ૨૦૧ રનના રેકોર્ડની ભાગીદારી પણ કરી હતી. બ્રેન્ડન મેક્કુલમે ૪૩ બોલમાં ૫૧ રનની અણનમ ઇનિંગ રમી જેમાં ૩ સિક્સરનો સમાવેશ થાય છે. આવી રીતે બંનેએ મળીને ટી-૨૦ ઇતિહાસમાં એક ઈનિંગમાં સૌથી વધુ સિક્સર ફટકારવાના ટીમ રેકોર્ડની પણ બરાબરી કરી લીધી હતી. આ અગાઉ આઈપીએલની ટીમ આરસીબીએ ૨૧ સિક્સર ફટકારી હતી.

(5:40 pm IST)
  • ગાણત્રીના કલાકોમાં પાકિસ્તાન વિરુદ્ધ કઠોર કાર્યવાહી કરશે અમેરિકા : જેરૂસલમ મામલે સંયુકત રાષ્ટ્રમાં સાથ નહીં આપનાર દેશો સામે પણ અમેરિકા કરશે લાલઆંખ access_time 11:24 am IST

  • બિહારના સમસ્તીપુર શહેરના ગોલા રોડ પરની યુકો બેન્કમાંથી ૮ સશસ્ત્ર લૂંટારૂઓએ 52 લાખ રૂપિયાની લૂંટ ચલાવી નાસી છુટ્યા : પોલીસે ઘટના સ્થળે પહુચીને તપાસ શરુ કરી : તમામ લૂંટારૂઓ સવારે 10-15 વાગ્યે બાઈક પર બેંકમાં પહોચ્યા હતા. access_time 3:51 pm IST

  • બોલીવુડમાં લગ્ન કરવાની જાણે હોડ લાગી હોય તેમ હવે રણવીરસીહ અને દીપિકા પાદુકોણ પણ 5 જાન્યુઆરીએ, દીપિકાના ૩૨માં જન્મદિવસે સગાઈ કરવાના હોવાનું જોરશોરથી ચર્ચાય રહ્યું છે. હાલમાંજ બન્નેએ થર્ટી ફર્સ્ટની ઉજવણી એકસાથે શ્રીલંકામા કરી હોવાનું મીડ-ડે અખબારના હવાલાથી જાણવા મળે છે. access_time 10:13 am IST