News of Wednesday, 18th May 2022
કચ્છમાં સ્ટેટ મોનીટરીંગ સેલનો સપાટો રતનાલમાં જુગાર કલબ અને ભુજમાં આંકડાનો જુગાર ઝડપાયા
નિર્લિપ્ત રાય આવ્યા પછી મોનીટરીંગ સેલ છેક કચ્છ સુધી એક્ટિવ
(વિનોદ ગાલા દ્વારા)ભુજ તા.૧૮
સ્ટેટ મોનીટરીંગ સેલ દ્વારા કચ્છમાં અંજાર તા.ના રતનાલ ગામે ખારીવાડ વિસ્તારમાં ધમધમતી જુગારકલબ ઝડપી પાડવામાં આવી હતી. ક્લબના સંચાલક વેલજી કારા ડુંગરિયા સહિત સાત ખેલીઓને ૪૩,૧૫૦ રૂ.ની રોકડ અને મોબાઈલ, વાહનો સહિત ૧,૩૪,૧૫૦ ના મુદ્દામાલ સાથે ઝડપી કાયદેસર કાર્યવાહી કરી હતી.
જ્યારે ભુજમાં સરપટ ગેટ પાસે વરલી મટકો રમાડતા હુસેન ઓસમાણ શેખ સહિત ૫ શખ્સોને ૨૨,૬૦૦ની રોકડ સહિત ૪૬ હજારના મુદ્દામાલ સાથે ઝડપી લીધા હતા. દરોડા દરમ્યાન કલ્પેશ વસાવા નામનો શખ્સ નાસી છૂટયો હતો. સ્ટેટ મોનીટરીંગ સેલના દરોડા એ સ્થાનિક પોલીસ સામે સવાલો સર્જ્યા છે.
(10:04 am IST)