જૂનાગઢમાં પીએમ મોદીના જન્મદિવસ નિમિતે યુવા ભાજપ દ્વારા રક્તદાન કેમ્પ
ભાજપના કાર્યકરોએ કર્યું રક્તદાન: અંદાજિત 70 યુનિટ જેટલું રકત એકત્રિત થયું
જૂનાગઢ : વડાપ્રધાન મોદીના જન્મદિવસને લઇને સમગ્ર દેશમાં સેવા સપ્તાહ નામનો કાર્યક્રમ યુવા ભાજપ દ્વારા શરૂ કરવામાં આવ્યો છે. જે અંતર્ગત જૂનાગઢમાં રેડક્રોસ ખાતે બુધવારના રોજ રક્તદાન કેમ્પ કરીને મોદીના જન્મદિવસની અગાઉ વિશેષ ઉજવણી કરવામાં આવી હતી.
ભાજપના કાર્યકરો રક્તદાન કરવા માટે પહોંચ્યા હતા અને અંદાજિત 70 યુનિટ જેટલું રકત એકત્રિત થયુ હતું. જેને જરૂરિયાત મંદ થેલેસેમિયા અને કોરોના સંક્રમણ હોસ્પિટલોમાં મોકલવામાં આવશે. વડાપ્રધાન મોદીની દેશસેવા જન-જન સુધી પહોંચી રહી છે. આવી પરિસ્થિતિમાં મોદીના જન્મદિવસને રક્તદાન કેમ્પ થકી ઉજવવામાં આવ્યો હતો. અહીંથી એકત્ર થતું લોહી કોઈના જીવનને નવજીવન બક્ષી શકે તે માટે યુવા ભાજપે વિશેષ રક્તદાન કેમ્પનું આયોજન કર્યું હતું.