ગુગલ દ્વારા નોંધ લીધેલ ઉના દેલવાડાના ઝુલતા મીનારાની જગ્યા વિકાસ ઝંખે છે

દિવથી માત્ર અર્ધી કલાકના અંતરે ઐતિહાસિક સ્થળઃ પર્યટકોની સંખ્યા વધી શકે

ઐતિહાસિક ઝુલતા મીનારાની તસ્વીર. (તસ્વીરઃ નિરવ ગઢિયા-ઉના)

ઉના તા.૯ : ઉના નજીક દેલવાડામાં ઝુલતા મીનારાની નોંધ ગુગલ દ્વારા લેવામાં આવી છે પરંતુ સ્થાનિક તંત્ર દ્વારા આ જગ્યામાં પર્યટકો વધુ મુલાકાત લ્યે અને વિકાસ થાય તે બાબતથી અજાણ રહી છે.

મીનારા પાસે રક્ષિત સ્મારક એવુ બોર્ડ છે પરંતુ આ મીનારાની સાચા અર્થમાં રક્ષણની જરૂર છે.

ઝુલતા મીનારા અંગે રફીકશાએ જણાવેલ કે મીનારાની એક બારીને ધક્કો મારતા ઐતિહાસિક મીનારા ઝુલવા લાગે છે. આ મીનારા સુધી પહોંચવા દિવથી માત્ર ૩૦ મીનીટ થાય છે.

મીનારાની ઉંચાઇ અંદાજે ૮૦ થી ૧૦૦ ફુટ છે. આ મસ્જીદ ઇ.સ. સને ૧ર૯૧માં બંધાયેલ છે. સાતસો વર્ષ જુના મીનારા હોવાનું મનાય છે. ગુજરાતમાં અમદાવાદમાં પણ ઝુલતા મીનારા છે.