મોરબી મહંત કલ્યાણદાસબાપુના અસ્થિકુંભના દર્શન હરિહર ઉદાસીન આશ્રમ ખાતે કરી શકાશે.

 મોરબી :મહંત કલ્યાણદાસબાપુ ગુરુ સંતદાસ ગત્ત તારીખ 4 ઓગસ્ટના રોજ બ્રહ્મલીન થયા છે. તેઓના અસ્થિકુંભના અંતિમ દર્શન હરિહર ઉદાસીન આશ્રમ ખાતે કરી શકાશે.
હરિહર ઉદાસીન આશ્રમ (બડા અખાડા નવી દિલ્હી)ના પીપળી (મોરબી) અને કોઠારા-નલિયા (કચ્છ) સ્થિત મહંત કલ્યાણદાસબાપુનું પરલોકગમન થયું છે. જેઓ 1985થી હરિહર ઉદાસીન આશ્રમ પીપળી મોરબી ખાતે ધાર્મિક અને સેવાકીય પ્રવૃત્તિઓમાં સક્રિય હતા. સદગત મહંત કલ્યાણદાસ બાપુના અસ્થિકુંભ પીપળી-મોરબી ખાતે લાવવામાં આવ્યા છે. ત્યારે શિષ્ય સમુદાય અસ્થિ કુંભના અંતિમ દર્શન હરીહર ઉદાસીન આશ્રમ, આનંદ હોટેલ પાસે, ટીંબડી પાટીયા નજીક, કાવેરી સિરામિક સામે, નેશનલ હાઈવે, મોરબી ખાતે કરી શકાશે.