Gujarati News

જેતપુર ખાતે પશુ ચોરીનો પર્દાફાશ થયો છે. જેતપુરના અનેક  વિસ્તારોમાંથી પશુ ચોરીની ફરિયાદો મળતા આખરે પોલીસે આરોપીઓને ઝડપી પાડ્યા છે. છેલ્‍લા એક અઠવાડીયાથી વધુ પ્રમાણમાં ઢોરોની ચોરી થતી હતી.

જેથી માલધારી યુવાનોએ રાત્રે પેટ્રોલિંગ કરવાનુ શરૂ કરેલા. તેવામાં ગત રાતના ચારેય શખ્સો એક બોલેરો જીપમાં એક ગાયને ક્રૂરતા પૂર્વક બાંધીને શહેરના ટાકુડીપરામાંથી લઈ જતા હતા. તેઓની પૂછપરછ કરતા શખ્સોએ ચોરીની કબૂલાત કરતા તેઓને પોલીસના હવાલે કરી દેવાયા હતા.