Gujarati News

Gujarati News

News of Saturday, 31st October 2020

ખંભાળિયામાં જમીનના શેઢા બાબતે યુવક ઉપર મહિલા સહિત ૪ નો હુમલો

(કૌશલ સવજાણી દ્વારા) ખંભાળિયા તા.૩૧ : રામનગરમાં રામ મંદિર પાસે રહેતો ભાવીક ધનજીભાઇ સોનગરા (ઉ.વ.૩૧) નામનો દલવાડી યુવાન ગત રોજ રૂકનશા પીરની દરગાહ પાસે હતો. ત્યારે મોહન જુઠા સોનગરા, મનિષ મોહન સોનગરા, દિલખુશ મોહન, સોનગરા, પુરીબેન મોહન સોનગરા તમામે કોદારી, ધારીયુ અને પાવડાના હાથા વડે માર મારી હુમલો કરતાં યુવાનને સારવાર માટે ખસેડવામાં આવ્યો હતો.

પોલીસે ઉપરોકત મહિલાઓ સહિત ચારેય શખ્સો વિરૂધ્ધ ગુનો નોંધી તપાસ હાથ ધરી છે. પોલીસની પ્રાથમિક તપાસમાં આ ડખ્ખો જમીનના શેઢા બાબતે થયો હોવાનું બહાર આવ્યું છે.

મીઠાપુરમાં જુગાર રમતા ચાર ઝડપાયા

મીઠાપુરના હમુસર ગેમનો જુગાર રમતા હોવાની બાતમીના આધારે પોલીસે દરોડો પાડતા ખીમજી રામજી પરમાર, હમીર રાણા હાથીયા, આલાભા પત્રામલભા હાથલ, રોહીતભા રામુભા માણેક તમામને ૩૮૧૦ની મતા સાથે ઝડપી લઇ કાર્યવાહી કરી હતી.

(12:49 pm IST)
  • વડાપ્રધાન શ્રી નરેન્દ્ર મોદી આવતીકાલ 1 નવેમ્બરના રોજ બિહારના પ્રવાસે : છપરા , સમસ્તીપુર ,પૂર્વ તથા પશ્ચિમ ચંપારણમાં ચૂંટણી સભા સંબોધશે : મુખ્યમંત્રી નીતિશકુમાર ,તથા જેડીયુ રાષ્ટ્રીય અધ્યક્ષ સાથે જોડાશે : પોલીસ ડિપાર્ટમેન્ટ ,બોમ્બ નિરોધક સ્ક્વોડ ,સહિતની ટિમો સુરક્ષા માટે સંપૂર્ણ સજ્જ access_time 8:31 pm IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • દેશમાં કોરોનાના નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,698 કેસ નોંધાયા:કુલ કેસનો આંકડો 81,81,864 થયો :એક્ટીવ કેસ ઘટીને 5,71,213 થયા:વધુ 56,182 દર્દીઓ સ્વસ્થ થતા કુલ 74, 87,093 રિકવર થયા :વધુ 454 લોકોના મોત સાથે કુલ મૃત્યુઆંક 1,22,135 થયો access_time 1:09 am IST