Gujarati News

Gujarati News

News of Saturday, 31st October 2020

હજુ માત્ર મોડી રાત્રે-વહેલી સવારે જ ઠંડક

સુર્યનારાયણના દર્શન થતાની સાથે જ હુંફાળુ હવામાન : બપોરે ગરમી

રાજકોટ, તા. ૩૧ : રાજકોટ સહિત સૌરાષ્ટ્ર-કચ્છમાં ધીમે-ધીમે શિયાળાની અસર વર્તાઇ રહી છે. મોડી રાત્રીના અને વહેલી સવારના સમયે ઠંડીની વધુ અસર અનુભવાય છે.

જો કે સવારે સૂર્યનારાયણના દર્શન થતાની સાથે જ વાતાવરણ હુંફાળુ બની જાય છે અને ધીમે-ધીમે ગરમીની અસર વધવા લાગે છે.

બપોરના સમયે મહત્તમ તાપમાનમાં વધારો થતાં આકરા ઉનાળાનો અહેસાસ થવા લાગે છે. હવામાન ખાતાની આગાહી મુજબ આ વર્ષે શિયાળામાં તાપમાનનો પારો સીંગલ ડિજિટમાં પહોંચશે. જયારે આખો મહિનો પવનની એવરેજ ૧૦ કિલોમીટર પ્રતિ કલાક રહી છે. શિયાળાની ઠંડી પડવાની શરૂઆત થતાં સવારે અને સાંજે વોકીંગ કરવા વાળાની સંખ્યામાં વધારો થઇ રહ્યો છે. માસની શરૂઆત કરતા માસના અંતે ભેજનું પ્રમાણ પણ ઘટયું છે. શુક્રવારે ભેજનું પ્રમાણ માત્ર ર૯ ટકા હતું. જે સવારના સમયે પર ટકા હતું. ૧૪ ઓકટોબરની આસપાસ તાપમાનનો પારો ૪૦ ડીગ્રીએ પહોંચ્યો હતો.

ઓણ સાલ ચોમાસુ ચાર મહિનાથી વધુ રહ્યું હતું. શિયાળો હવે ધીમે ધીમે જમાવટ કરશે. દિવાળી બાદ લઘત્તમ તાપમાન ૧પ ડીગ્રીથી નીચે જાય તેવી સંભાવના હોવાનું હવામાન વિભાગે જણાવ્યું છે. સૌરાષ્ટ્રમાં ગઇકાલે કેશોદમાં ૧૮.૪, મહુવામાં ૧૮.૭, ભાવનગરમાં ર૦.૪, પોરબંદરમાં ર૧.ર, વેરાવળમાં રર.૯, દ્વારકામાં ર૩.પ, ઓખામાં રપ.ર, સુરેન્દ્રનગરમાં ર૦.૯, અમરેલીમાં ર૦.ર, અને દીવમાં ર૦.ર ડીગ્રી તાપમાન નોંધાયું હતું. આગામી સપ્તાહ સૌરાષ્ટ્રમાં એક-બે ડીગ્રી તાપમાન ઘટે તેવા અણસાર મળી રહ્યા છે.

(11:38 am IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • ફાયનાન્સ મિનિસ્ટર નિર્મલા સીતારમણને મારા પ્રત્યે પૂર્વગ્રહ હતો : મારી બદલી તેમણે વિદ્યુત ડિપાર્ટમેન્ટમાં કરી નાખી : પૂર્વ ફાયનાન્સ મિનિસ્ટર અરુણ જેટલી સાથે મારે સારા સબંધ હતા : નિર્મલા સીતારમણના અમુક નિર્ણયો જેવા કે આરબીઆઇ સાથેનો વહેવાર ,નોન બેન્કિંગ કંપનીઓ માટે પેકેજ ,ક્રેડિટ ગેરંટી યોજના સહિતની બાબતે અમારે મતભેદ હતો : તેથી મેં એક વર્ષ વહેલી નિવૃત્તિ લઇ લીધી : સીનીઅર આઈ એ એસ નિવૃત ઓફિસર સુભાષચંદ્ર ગર્ગે નિવૃત થયાના એક વર્ષ પછી મોઢું ખોલ્યું access_time 6:46 pm IST

  • ' ચિંતા કરતા નહીં ' : એજ્યુકેશન લોન ન ભરી શકો તો સરકાર દેવું માફ કરી દેશે : બિહાર ચૂંટણી સંદર્ભે મુખ્યમંત્રી નીતીશકુમારની મહત્વની ઘોષણાં access_time 8:23 pm IST