Gujarati News

Gujarati News

News of Saturday, 31st October 2020

સગીરા સાથે અડપલાં કરનાર શાળાના આચાર્યની ધરપકડ

કાલાવાડ તાલુકાના પંચદેવડા ગામની ઘટના : ૫૬ વર્ષીય આરોપીએ ઓનલાઈન શિક્ષણના બહાને છાત્રાને શાળાએ બોલાવીને શારીરિક અડપલા કર્યા હતા

રાજકોટ, તા. ૩૦: જામનગર જિલ્લાના કાલાવડ તાલુકાના પંચદેવડા ગામની સરકારી પ્રાથમિક શાળાના આચાર્યની પોલીસે ધરપકડ કરી છે કારણકે તે આચાર્ય પર શાળાની ૧૦ વર્ષની વિદ્યાર્થિનીને શારીરિક અડપલા કર્યા હોવાનો આરોપ છે. પોલીસે જણાવ્યું કે બાબુ સંઘાણી નામના ૫૬ વર્ષીય આરોપીએ ઓનલાઈન શિક્ષણના બહાને વિદ્યાર્થિનીને શાળાએ બોલાવીને તેને શારીરિક અડપલા કર્યા હતા.

જામનગરના કાલાવડ તાલુકાના નાના પંચદેવડામાં સરકારી શાળાના આચાર્ય બાબુ સંઘાણીએ ૧૦ વર્ષની વિદ્યાર્થિનીને ઓનલાઈન શિક્ષણના બહાને શાળાએ બોલાવી હતી. ત્યારબાદ તેની સાથે શારીરિક છેડતી કરી હોવાનું સામે આવતા તેના પરિવારજનોએ પોલીસ ફરિયાદ નોંધાવી છે. પોલીસે ફરિયાદના આધારે આચાર્ય બાબુ સંઘાણી સામે ગુનો નોંધીને તેમની ધરપકડ કરી હતી. કાલાવડ તાલુકા પોલીસ સ્ટેશનના સબ-ઈન્સ્પેક્ટરે જણાવ્યું કે ૧૦ વર્ષીય વિદ્યાર્થિનીના પિતાએ પોલીસ ફરિયાદમાં જણાવ્યું કે શાળાના આચાર્ય બાબુ સંઘાણીએ મારી દીકરીને શારીરિક અડપલા કર્યા હતા જે અમને દીકરીએ ઘરે આવીને જણાવ્યું હતું. વિદ્યાર્થિનીના પિતાએ તાલુકા એજ્યુકેશન ઓફિસરને ફરિયાદ કરતા તેમણે આ અંગે પોલીસ ફરિયાદ કરવાનું જણાવ્યું હતું. વિદ્યાર્થિનીના પિતાની ફરિયાદના આધારે અમે આચાર્ય બાબુ સંઘાણીની ધરપકડ કરી છે.

આ વિદ્યાર્થિની ખેડૂતની દીકરી છે અને ધોરણ ૫માં અભ્યાસ કરે છે. પોલીસે જણાવ્યું કે શાળાના આચાર્ય બાબુ સંઘાણીનો કોઈ ગુનાહિત રેકોર્ડ રહ્યો નથી અને તેમની વિરુદ્ધ આ પહેલી ફરિયાદ નોંધાઈ છે. જ્યારે તે શાળામાં પણ અગાઉ કોઈ પ્રકારનો ગુનો નોંધાયો નથી.

(9:09 pm IST)
  • ભારતના પૂર્વ વડાપ્રધાન શ્રીમતી ઇન્દિરા ગાંધીની આજ 31 ઓક્ટોબરના રોજ પુણ્યતિથિ : 1984 ની સાલમાં હત્યા થઇ હતી : વડાપ્રધાન શ્રી નરેન્દ્ર મોદીએ શ્રદ્ધાંજલિ પાઠવી access_time 12:36 pm IST

  • ' ધ બેટલ ઓફ બિલોગિંગ ' : શશી થરૂર લિખિત પુસ્તકનું લોન્ચિંગ : હિન્દુત્વની નારાબાજી કટ્ટરતાની નિશાની : હિન્દુત્વ એ કોઈ ધાર્મિક નહીં પણ રાજકીય સિદ્ધાંત છે : ' હિન્દૂ ભારત ' એ દેશના લોકશાહી બંધારણ માટે પડકાર સમાન : હિન્દુત્વનું આંદોલન એ 1947 ની મુસ્લિમ સંપ્રદાયિકતાનું પ્રતિબિંબ : લોન્ચિંગ પ્રસંગે ઉદબોધન access_time 6:32 pm IST

  • દેશમાં કોરોનાના નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,698 કેસ નોંધાયા:કુલ કેસનો આંકડો 81,81,864 થયો :એક્ટીવ કેસ ઘટીને 5,71,213 થયા:વધુ 56,182 દર્દીઓ સ્વસ્થ થતા કુલ 74, 87,093 રિકવર થયા :વધુ 454 લોકોના મોત સાથે કુલ મૃત્યુઆંક 1,22,135 થયો access_time 1:09 am IST