Gujarati News

Gujarati News

News of Monday, 30th November 2020

જૂનાગઢ ઝૂની માનવભક્ષી દીપડાની જેલમાં ૫૦ કેપેસીટી સામે ૬૦ દીપડા

દર અઠવાડીયે બે દીપડા બંદીવાન થાય છે

(વિનુ જોશી દ્વારા) જૂનાગઢ, તા. ૩૦ :. જૂનાગઢ ઝૂની માનવભક્ષી દીપડાની જેલમાં ૫૦ની કેપેસીટી સામે ૬૦ દીપડા થઈ જતા કેટલાક દીપડાનું શિફટીંગ હાથ ધરવામાં આવેલ છે.

માનવભક્ષી કે માનવ પર હુમલા કરેલા દીપડા માટે જૂનાગઢના સક્કરબાગ પ્રાણી સંગ્રહાલયમાં એક જેલ જેવી વ્યવસ્થા છે. અહીં ૫૦ દીપડા રહી શકે તેવી વ્યવસ્થા છે પરંતુ હાલ માનવભક્ષી દીપડાની જેલમાં ખૂંખાર દીપડાની સંખ્યા ૬૦ થઈ ગઈ છે.

આ જેલમાં દર અઠવાડીયે બે દીપડા બંદીવાન થાય છે. આથી માનવભક્ષી દીપડાની જેલમાં કેટલાક દીપડાનું શિફટીંગ હાથ શરૂ કરાયુ છે. જેના ભાગરૂપે જામનગર ખાતે બનેલા ગ્રીન ઝુલ લોઝીકલ પાર્ક રેસ્કયુ એન્ડ રિહિબીલેશન કિંગ્ડમ ખાતે દીપડાને જરૂરી મંજુરીને લઈ મોકલવામાં આવી રહ્યા છે.

કુલ ૩૫ દીપડાને મોકલવાની મંજુરી મળી છે. જેમાંથી અગાઉ ૧૨ દીપડાને રવાના કરાયા બાદ ગઈકાલે વધુ ૧૨ દીપડા મોકલવામાં આવેલ અને હજુ ટૂંક સમયમાં ૧૧ દીપડાને મોકલવામાં આવશે.

જામનગર ખાતે મોકલવામાં આવતા દીપડા સફારી પાર્કમાં નહિ પરંતુ રેસ્કયુ સેન્ટરમાં જ રહેશે. અહીં તેમની સારસંભાળ કરાશે. કોઈપણ મુલાકાતીને ટીકીટ લઈને દીપડા જોવા માટેની પરમીશન નહિ હોય.

જૂનાગઢ ઝૂની માનવભક્ષી દીપડાની જેલ ફુલ થઈ ગઈ હોવાથી દીપડા જામનગર ખાતે એક વ્યવસ્થાના ભાગરૂપે મોકલાઈ રહ્યા છે.

(12:52 pm IST)
  • વિશ્વમાં કોરોનાના ૬.૩૦ કરોડથી વધુ કેસઃ ૧૪.૬૪ લાખ લોકોના મોત : વિશ્વમાં ૬,૩૦,પ૩,૦૦૦ કોરોનાના કેસઃ કુલ ૧૪,૬૪,૦૦૦ લોકોના મોતઃ ૪.૩પ કરોડ લોકો સાજા થયા છે છેલ્લા ર૪ કલાકમાં ૪.૯૬ લાખ કેસ આવ્યાઃ ૭ર૧૮ ના મોતઃ ભારતમાં કોરોનાનો મૃત્યુદર ૧૦૪૬ ટકા તો રિકવરી રેટ ૯૩.૬૮ ટકા છે access_time 11:26 am IST

  • વલસાડ : અચ્છારી નવીનગરી પાસે આવેલ દમણગંગા નદીના પટ્ટ પાસેથી આશરે ૭૦ જેટલી ફૂટેલી કારતૂસના ખાલી ખોખા મળી આવતા ચકચારઃ હજુ વધુ ખાલી ખોખા અને હથિયારો હોવાની શકયતાના આધારે પોલીસ તપાસ ચાલુ: છેલ્લાં ત્રણ દિવસથી ઍક મારૂતિ વાન અને અજાણ્યા બાઇક ચાલક રાત્રીના સમયે શંકાસ્પદ ફરી રહ્ના હોવાની ચર્ચા access_time 11:47 am IST

  • દેશમાં કોરોનાના કેસનો કુલ આંકડો 94 લાખને પાર પહોંચ્યો : મૃત્યુઆંક 1.37 લાખથી વધુ :રાત્રે 11 વાગ્યા સુધીમાં કોરોનાના નવા 37,685 કેસ નોંધાયા:કુલ કેસની સંખ્યા 94, 30,724 થઇ :એક્ટીવ કેસ 4,46,658 થયા : વધુ 43,590 દર્દીઓ સ્વસ્થ થતા કુલ 88,44,751 રિકવર થયા :વધુ 419 લોકોના મોત સાથે કુલ મૃત્યુઆંક 1,37,152 થયો access_time 12:08 am IST