Gujarati News

Gujarati News

News of Thursday, 29th October 2020

જુનાગઢમાં જલારામ રઘુવંશી મહિલા મંડળ દ્વારા ઓનલાઇન નવરાત્રીની ઉજવણી : સ્પર્ધકોને ઇનામ વિતરણ

જુનાગઢ : છેલ્લા ૧૦ વર્ષથી લોહાણા જ્ઞાતિના બહેનો-દિકરીઓ માટે નવરાત્રી મહોત્સવનું આયોજન કરતા શ્રી જલારામ રઘુવંશી મહિલા મંડળ, જુનાગઢ દ્વારા આ વર્ષે કોવિડની પરિસ્થિતીને ધ્યાનમાં લઇને ઓનલાઇન નવરાત્રી મહોત્સવની ઉજવણી કરવામાં આવી હતી. અલગ-અલગ આઠ સ્પર્ધાઓનું આયોજન કરાવામાં આવેલ. જેમાં આરતી શણગાર, ગરબા શણગાર, ગરબા ગાયન, નવદુર્ગા શણગાર, મા દિકરી રાસ, દેરાણી જેઠાણી રાસ, સાસ-વહુ રાસ તેમજ ચારનો ગૃપ રાસ સહિતની સ્પર્ધાઓ યોજાઇ હતી. જ્ઞાતિની મહિલાઓએ ખુબ જ ઉત્સાહથી ભાગ લીધો હતો. આ નવતર નવરાત્રી મહોત્સવ ખુબ જ સફળતા પૂર્વક પૂર્ણ થયો હતો. ઇનામ વિતરણનો કાર્યક્રમ લોહાણા મહાજનવાડી જૂનાગઢ ખાતે મંડળના પ્રમુખ શ્રીમતી પ્રીતીબેન સાંગાણીના અધ્યક્ષ સ્થાને યોજવામાં આવ્યો હતો. આઠેય સ્પર્ધામાં વિજેતા થયેલ બહેનો-દિકરીઓને ઇનામ આપવામાં આવેલ. આ કાર્યક્રમ સફળ બનાવવા ઉપપ્રમુખ મીનાબેન પરપડા સહિત મંડળના તમામ બહેનોએ જહેમત ઉઠાવી હતી. (અહેવાલ : વિનુ જોષી, તસ્વીરઃ મુકેશ વાઘેલા જુનાગઢ)

(12:43 pm IST)
  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST

  • અમિતભાઈ શાહે ફોન કરી કેશુભાઈ પરિવારજનોને સાંત્વના પાઠવી : કેન્દ્રીય ગૃહમંત્રી અમિતભાઈ શાહે કેશુભાઈ પટેલના પરિવારજનોને ફોન કરી શોક વ્યકત કરતાં કહ્યું કે કેશુભાઈએ તેનું સમગ્ર જીવન ગુજરાતની જનતાની સેવામાં સમર્પિત કર્યુ હતું. તેમના પરિવારજનોને સાંત્વના પાઠવું છું. access_time 4:01 pm IST

  • કેન્દ્રીય મંત્રી સ્મૃતિ ઈરાની કોરોના સંક્રમિત : બિહાર ચૂંટણી કમપેનમાં શામેલ સ્મૃતિ ઈરાનીએ સંપર્કમાં આવેલા લોકોને ટેસ્ટ કરાવી લેવા ટ્વીટર દ્વારા જાણ કરી access_time 7:03 pm IST