Gujarati News

Gujarati News

News of Thursday, 29th October 2020

મોરબીમાં બીજા લગ્ન કરનાર પરિણીતા પર એસીડ અટેક કરનાર પૂર્વ પતિને આજીવન કેદ

ભોગ બનનારને 7.50 લાખના વળતરનો કોર્ટે આપ્યો ચુકાદો

મોરબીમાં 2 વર્ષ પૂર્વે બીજા લગ્ન કરનાર પરિણીતા પર પૂર્વ પતિએ એસીડ અટેક કર્યો હતો. જે બનાવમાં આરોપી પૂર્વ પતિને ઝડપી લઈને આ અંગે કોર્ટમાં કેસ ચાલતો હતો. જેમાં કોર્ટે મહત્વપૂર્ણ ચુકાદો આપતા આરોપી પૂર્વ પતિને આજીવન કેદની સજા ફટકારી છે. આ સાથે જ ભોગ બનનારને 7.50 લાખનું વળતર ચુકવવા આદેશ કર્યો છે.

કેસની મળતી માહિતી મુજબ મોરબીના વાઘપરામાં રહેતા બીન્તાબેન વિશાલભાઈ આડેસર નામની પરિણીતા પર તા. 19-02-2018 ના રોજ પૂર્વ પતિ કલ્પેશ મનસુખ ગઢિયાએ એસીડ અટેક કર્યો હતો. જે બનાવ અંગે પરિણીતાએ પોલીસ ફરિયાદ નોંધાવી હતી. જેમાં જણાવ્યું હતું કે, વર્ષ 2016 માં કલ્પેશ ગઢિયા સાથે પ્રેમલગ્ન કર્યા હતા. પરંતુ પતિ-પત્ની વચ્ચે ઝઘડા થતા હતા જેથી લગ્નના ટૂંકા સમય બાદ છૂટાછેડા લીધા હતા. તેમજ વિશાલ સાથે બીજા લગ્ન કરી લીધા હતા. જેથી પૂર્વ પતિ કલ્પેશ દ્વારા નગર દરવાજા પાસે પરિણીતા પર એસીડ ફેકવામાં આવ્યું હતું. જે અંગે પોલીસ ફરિયાદ બાદ આરોપીની ધરપકડ કરાઈ હતી. જેની કોર્ટમાં ચાર્જશીટ દાખલ કરવામાં આવતા પ્રિન્સીપલ ડીસ્ટ્રીકટ કોર્ટમાં કેસ ચાલી જતા સરકારી વકીલ વી.સી.જાનીની દલીલો અને પુરાવાને ધ્યાનમાં લઈને કોર્ટે આરોપી કલ્પેશને આજીવન કેદની સજા ફટકારી હતી. આ સાથે જ ભોગ બનનારને 7.50 લાખનું વળતર ચૂકવવાનો ચુકાદો આપ્યો હતો.

(12:24 pm IST)
  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • કેન્દ્રીય મંત્રી સ્મૃતિ ઈરાની કોરોના સંક્રમિત : બિહાર ચૂંટણી કમપેનમાં શામેલ સ્મૃતિ ઈરાનીએ સંપર્કમાં આવેલા લોકોને ટેસ્ટ કરાવી લેવા ટ્વીટર દ્વારા જાણ કરી access_time 7:03 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST