Gujarati News

Gujarati News

News of Thursday, 29th October 2020

કચ્છનાં આડેસરમાં ઘરફોડ ચોરી-લુંટના ગુન્હામાં ર શખ્સોની ધરપકડ

ભુજ-જામનગર, તા., ર૯: પોલીસ મહા નીરીક્ષક જે.આર.મોથલીયા બોર્ડર રેનજ ભુજ તથા પોલીસ અધિક્ષક મયુર પાટીલ પુવૃ કચ્છ ગાંધીધામ તથા ના.પો.અધિ. કે.જી.ઝાલા ભચાઉ વિભાગ ભચાઉનાઓની સુચના માર્ગદર્શન મુજબ આડેસર પોલીસ સ્ટેશનના પોલીસ સબ ઇન્સ્પેકટર વાય.કે.ગોહીલ તથા પો.સ્ટાફના માણસો આડેસર પોલીસ સ્ટેશન વિસ્તારના ચોરીના ગુન્હા શોધી કાઢવા અને ગુન્હા બનતા અટકાવવા માટે સતત પ્રયત્નશીલ હતા તે દરમિયાન ગઇકાલ તા.ર૭-૧૦-ર૦ર૦ના રોજ પો.સબ ઇન્સ. વાય.કે.ગોહીલ તથા પો.સ્ટાફના માણસો આડેસર પોલીસ સ્ટેશન હદ વિસ્તારમાં પેટ્રોલીંગમાં હતા. દરમ્યાન સણવા ગામ પાસે આવતા સાથેના પો.કોન્સ. વિષ્ણુદાન ગઢવી તથા કાંતિસિંહ રાજપુત નાઓને સંયુકત રીતે ખાનગી રાહે બાતમી હકિકત મળેલ કે ગાગોદર તેમજ પલાસવા ગામે ચોરી થયેલ અને ડેડરવા રોડ ઉપર થયેલ લુંટના બનાવના આરોપીઓને ઝડપી પાડેલ છે.

પોલીસે સુરેશ મોહન અખિયાણી (કોલી) ઉ.વ.૩પ રહે.મુળ ગામ પલાસવા તા. રાપર હાલ રહે. સણવા વાડી વિસ્તાર તા.રાપર પ્રવિણ જોધા ભુત (કોલી) ઉ.વ.૩૪ રહે. મુળ ગામ પીછાણા (બાદલપર) તા.રાપર હાલ રહે. આનંદનગર (નવુગામ) તા. રાપરની રૂ. ૮.૦૩.પપ૪ના મુદામાલ સાથે ધરપકડ કરી છે.

પકડાયેલ ઇસમો દિવસના સમયે બંધ મકાનને લક્ષ બનાવી ઘરફોડ કરવાની ટેવવાળા છે. મજકુર ઇસમો ઉપર અગાઉ પણ અનેક ચોરીના ગુન્હાઓ દાખલ થયેલ છે અને તે ગુન્હાઓમાં પકડાઇ ગયેલ છે.

કામગીરી કરનાર પોલીસ અધિકારી-કર્મચારી

આ કામગીરીમાં પોલીસ સબ ઇન્સ્પેકટર વાય.કે.ગોહીલ તથા પો.હેડ કોન્સ્ટેબલ ધ્રુદેવસિંહ ઝાલા તથા પો.કોન્સ. બલભદ્રસિંહ જાડેજા તથા મહેન્દ્રસિંહ સોલંકી તથા હકુમતસિંહ જાડેજા  તથા વિષ્ણુદાન ગઢવી તથા કાંતીસિંહ રાજપુત તથા વિજયસિંહ ઝાલા તથા ભરતજી ઠાકોર તથા ગાંડાભાઇ ચૌધરી વિગેરેનાઓ સાથે રહેલ છે.

(11:38 am IST)