Gujarati News

Gujarati News

News of Thursday, 29th October 2020

સાયબર ક્રાંઇમના નાણાકીય છેતરપીંડીમાં રૂ. ૧.૩૧ કરોડ પરત મેળવી આપતી દેવભૂમી દ્વારકા

(કૌશલ સવજાણી દ્વારા) ખંભાળીયા,તા.૨૯ : દેવભૂમિ દ્વારકા જીલ્લા પોલીસ અધિક્ષક સુનીલ જોશી સ તથા નાયબ પોલીસ અધિક્ષક  હિરેન્દ્ર ચૌધરીએ સાયબર ક્રાઇમ ગુન્હા અટકાવવા તથા શોધવા અંગેની સુચના અને માર્ગદર્શન આપ્યા મુજબ અત્રેના જીલ્લામાં સાયબર ક્રાઇમ સેલ પોલીસ ઇન્સ્પેકટર  જે. એમ. ચાવડાના માર્ગદર્શન મુજબ સાયબર ક્રાઇમ સેલ, દેવભૂમિ દ્વારકાના પો.કોન્સ. ધરણાંતભાઇ ખીમાભાઇ બંધિયા, પો.કોન્સ. નરેન્દ્રસિંહ દિલીપસિંહ રાઠોડ, પો.કોન્સ. મુકેશભાઇ અરજણભાઇ કેશરીયા, પો.કોન્સ. રાજેશભાઇ પરસોતમભાઇ રંગાણી દ્વારા લોન-લોટરી ફ્રોડ, અનઓથોરાઇઝેડ ટ્રાન્ઝેકશન ફોડ, જોબ ફોડ. શોપીંગ ફોડ, આર્મીના OLX/ફેસબુક એડમાંથી વસ્તુ ખરીદીને લગતા ્ફ્રોડ જેવા સાયબર ક્રાઇમના બનાવોમાં દેવભૂમિ દ્વારકા જીલ્લા સાયબર ક્રાઇમ સેલ હંમેશા ભોગ બનનારને તાત્કાલીક મદદરૂપ થાય છે.

અત્રેના જીલ્લામાં સાયબર ક્રાઇમને લગતા બનાવમાં અરજદાર રેવન્થ કુમાર કુર્રા S/O કુર્રા કોટેશ્વરા રાવ, ધંધો- RSPL કંપનીમાં નોકરી, રે. સીકોતર હાર્ડવેર રોડ, લક્ષ્મી મારબલની બાજુમાં જલારામ સોસાયટી ર, દ્વારકા, તા.દ્વરકા, જીલ્લો-દેવભૂમિ દ્વારકાવાળા સાથે થયેલ ફ્રોડની રકમ પરત અરજદાનને અપાવી સરાહનીય કામગીરી કરેલ. આ કામની હકીકત એવી કે, ગઇ તા. ૦૫/૧૦/ર૦ર૦ના રોજ અરજદારના મોબાઇલ નંબર પર મેસેઝ આવેલ કે તેમના બેંક ખાતામાંથી કુલ રૂ.૧,૪૮,૯૭૫.૦૦/- ઉપડી ગયેલ છે. ઉપરોકત ટ્રાન્ઝેકશન અરજદારની જાણ બહાર પેટીએમ ગેટવે પર થયેલ હતુ. એ રીતે બેંક એકાઉન્ટમાથી અનઓથોરાઇઝ (Unauthorized Transaction)  થયેલ હતુ  જેમા કુલ રૂ. ૧,૪૮,૯૭૫.૦૦/-નુ ફ્રોડ થયેલ હતુ.  જે બનાવમાં અરજદાર દ્વારા તાત્કાલીક સાયબર ક્રાઇમ સેલ, દેવભૂમિ દ્વારકાનો સંપર્ક કરતા સાયબર ક્રાઇમ સેલ ટીમ દ્વારા આ બનાવમાં ભોગ બનનારને મદદરૂપ થઇ તાત્કાલીક જરૂરી પત્રવ્યવહાર તથા ટેકનીકલ રીસોર્સના આધારે ભોગબનનારની રકમ ૧,૩૧,૬૩૮.૭૩/- બેંક એકાઉન્ટમાં પરત મેળવી આપેલ છે.

(11:36 am IST)
  • કેરાળાના પૂર્વ મુખ્ય સચિવની ઈડીએ ધરપકડ કરી: કેરાળાના ગોલ્ડ સ્મગલિંગ કેસમાં પૂર્વ મુખ્ય સચિવ અને સસ્પેન્ડ કરાયેલા આઈએએસ ઓફિસર એમ શિવશંકરની ઈડીએ ધરપકડ કરી છે. access_time 11:38 am IST

  • સૂર્યકુમાર અને બુમરાહને લીધે મુંબઇ પહોંચ્યુ પ્લે-ઓફમાં : ઓસ્ટ્રેલિયાના પ્રવાસમાં સ્થાન ન આપીને પસંદગીકારોએ ભુલ કરી હોવાનો મુંબઇના બેટસમેન કરાવ્યો અહેસાસ, બેન્ગલોરને પાંચ વિકેટથી કર્યુ પરાજિત access_time 2:41 pm IST

  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST