Gujarati News

Gujarati News

News of Thursday, 29th October 2020

મોટી પાનેલીમાં ખારચીયા રોડ ઉપર કાર-રિક્ષા વચ્ચે અકસ્માત : મહિલા -બાળકને ઇજા

(અતુલ ચગ દ્વારા)મોટી પાનેલી,તા. ૨૯:  ઉપલેટા તાલુકાના મોટી પાનેલી ખારચીયા હાઇવે પર સાંજના છ વાગ્યાના સમયે ઉપલેટા તરફ જતી સ્વીફ્ટ કાર સાથે સામેથી આવતા સીએનજી ડેટકો રીક્ષા સાથે જોરદાર ટક્કર થતા નવેનવી સ્વીફ્ટ કારનો આગળના બોનેટ તેમજ બમ્ફર નો બુકડો બોલી ગયો હતો.

મોટી પાનેલીના મુસ્લિમ પરિવાર રમજુ હાસમભાઇ સફિયા પોતાની નવી ગાડી સ્વીફ્ટ કાર GJ03 5602 લઈને ઉપલેટા પરિવાર સાથે જતા હતા ત્યાં ખારચીયા ગામની આ બાજુ સામેથી રબારીકા ગામના વલ્લભભાઈ મકવાણા રીક્ષા ચાલક પોતાની નવીજ લીધેલી ડેટકો રીક્ષા GJ03 1672 લઈને પાનેલી તરફ આવતા હતા તે દરમિયાન બન્ને વાહન સામસામે આવી જતા બન્ને વચ્ચે જોરદાર ટક્કર થયેલ જેમાં સ્વીફ્ટ કરમાં બેઠેલા રમજુભાઈના પત્ની તથા બાળકને સામાન્ય ઇજા પહોંચી જયારે રીક્ષા ચાલકને કોઈ ઇજા થઇ ન હતી સ્વીફ્ટ કારનેં આગળના ભાગે મોટી નુકશાની આવેલ છે જયારે રીક્ષામાં પણ નુકશાન થયેલ છે બનાવની જાણ થતા પાનેલી ઉપ સરપંચ બધાભાઇ ભારાઈ સ્થળ પર પહોંચી ગયેલ અને પોલીસનેં જાણ કરી આગળની કાર્યવાહી હાથ ધરેલ હતી.

(11:27 am IST)
  • કેરાળાના પૂર્વ મુખ્ય સચિવની ઈડીએ ધરપકડ કરી: કેરાળાના ગોલ્ડ સ્મગલિંગ કેસમાં પૂર્વ મુખ્ય સચિવ અને સસ્પેન્ડ કરાયેલા આઈએએસ ઓફિસર એમ શિવશંકરની ઈડીએ ધરપકડ કરી છે. access_time 11:38 am IST

  • મધ્ય પ્રદેશ પેટા ચૂંટણી : મહેંગાવમાં પ્રચાર માટે ગયેલા ભાજપના ફાયર બ્રાન્ડ નેતા ઉમાભારતીની સભામાં ખુરસીઓ ખાલી : સભાના સ્થળથી 25 કિલોમીટર દૂર હેલીકૉપટર ઉતરતા સ્થળ ઉપર પહોંચવામાં મોડું થયું : ગુસ્સે થઇ ભાષણ આપ્યા વિના પરત ફર્યા access_time 1:55 pm IST

  • અમિતભાઈ શાહે ફોન કરી કેશુભાઈ પરિવારજનોને સાંત્વના પાઠવી : કેન્દ્રીય ગૃહમંત્રી અમિતભાઈ શાહે કેશુભાઈ પટેલના પરિવારજનોને ફોન કરી શોક વ્યકત કરતાં કહ્યું કે કેશુભાઈએ તેનું સમગ્ર જીવન ગુજરાતની જનતાની સેવામાં સમર્પિત કર્યુ હતું. તેમના પરિવારજનોને સાંત્વના પાઠવું છું. access_time 4:01 pm IST