Gujarati News

Gujarati News

News of Thursday, 29th October 2020

જસદણ-આટકોટ ફોરલેન રોડનું કામ તાત્કાલિક પૂર્ણ કરવા લોક માંગણી

ગોકળ ગાયની ગતિએ ચાલતા કામ અને ધૂળની ડમરીઓથી લોકો પરેશાન

(ધર્મેશ કલ્યાણી દ્વારા) જસદણ,તા. ૨૮  : જસદણ-આટકોટ વચ્ચેનો રોડ છેલ્લા ઘણા વર્ષોથી બિસ્માર હાલતમાં ફેરવાઈ ગયો હતો. જેના કારણે વાહનચાલકો ત્રાસી ગયા હતા. જેથી રાજયના કેબીનેટ મંત્રી કુંવરજીભાઈ બાવળીયાએ જસદણ-આટકોટ રોડને ફોરલેન બનાવવા માટે મંજુર કરાવતા જાન્યુઆરી મહિનામાં ખાતમુહુર્ત કરવામાં આવ્યું હતું. પરંતુ આ કામના કોન્ટ્રાકટર દ્વારા રોડની કામગીરી ગોકળ ગાયની ગતિએ કરવામાં આવતી હોવાથી વાહનચાલકો ભારે મુશ્કેલીઓનો સામનો કરી રહ્યા છે.

હાલ જસદણ-આટકોટ રોડ પર દરરોજ બે હજારથી વધારે વાહનો પસાર થઈ રહ્યા છે. જસદણના લોકોને રાજકોટ, ગોંડલ, ભાવનગર, અમરેલી સહિતના શહેરોમાં જવા માટે તેમજ આટકોટ સાણથલી વિસ્તારના પંદરથી વધારે ગામડાના લોકોને તાલુકા મથક જસદણ આવવા માટે આ ખખડધજ રસ્તા ઉપરથી પસાર થવું પડે છે. આ રોડમાં મસમોટા ખાડાઓ પડી ગયા હોવાથી સતત ધૂળની ડમરીઓ ઉડી રહી છે. હાલ જસદણથી આટકોટ સુધીનો સાત કી.મી.નો રસ્તો કાપવામાં વાહનચાલકોને અડધો કલાક જેટલો સમય લાગી જાય છે અને આંખે ફરજીયાત ચશ્માં પહેરી પસાર થવું પડી રહ્યું છે. 

આ સમસ્યાનું વહેલી તકે નિવારણ કરવામાં આવે અને આ કામના કોન્ટ્રાકટરને વહેલી તકે રોડનું કામ પૂર્ણ કરવાની સુચના આપવામાં આવે તેવી આ રોડ પરથી પસાર થતા દરેક વાહનચાલકોની પ્રબળ માંગણી ઉઠવા પામી છે.

(10:19 am IST)
  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST

  • કેન્દ્રીય મંત્રી સ્મૃતિ ઈરાની કોરોના સંક્રમિત : બિહાર ચૂંટણી કમપેનમાં શામેલ સ્મૃતિ ઈરાનીએ સંપર્કમાં આવેલા લોકોને ટેસ્ટ કરાવી લેવા ટ્વીટર દ્વારા જાણ કરી access_time 7:03 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST