Gujarati News

Gujarati News

News of Saturday, 28th November 2020

ગોંડલનાં સાઢિયા પુલ પાસેનું ફાટક ૨૦ મિનીટ બંધ રખાતા ટ્રાફિકજામ

ગોંડલ,તા. ૨૮: છેલ્લા ચાર-પાંચ વર્ષથી ગોકળ ગતિએ ચાલતા સાંઢિયા પુલ ઓવરબ્રિજના કારણે જેતપુર રોડ પરનો તમામ ટ્રાફિક તેની બાજુના ગાડા માર્ગથી ડાયવર્ટ કરાયો હોય ગત સપ્તાહે ફાટક પર નાં ગેટમેનની બેદરકારીના કારણે અકસ્માત સર્જાયો હતો જેમાં આશાસ્પદ યુવાન સંજય ટીલાળાનું કમકમાટીભર્યું મોત નિપજતા રોષ ફેલાયો હતો અને તંત્ર દ્વારા ફાટક ના ગેટ મેન વિરુદ્ઘ ગુન્હો નોંધી કાર્યવાહી હાથ ધરાઇ હતી. અકસ્માતની દ્યટના બાદ રેલવે તંત્ર દ્વારા તકેદારીના ભાગરૂપે ટ્રેન આવવાના સમયે ૨૦ મિનિટ ફાટક બંધ રાખવામાં આવતા હાલ વાહનચાલકો ટ્રાફિક જામનો ભોગ બની રહ્યા છે.

આ અંગે ગોંડલ રેલવે સ્ટેશનના અધિકારીઓએ જણાવ્યું હતું કે નિયમ પ્રમાણે ટ્રેનના આવન-જાવન પહેલા ૨૦ મિનીટ ફાટક બંધ કરી શકાય છે જે લોકોની તકેદારીના ભાગને ધ્યાને લઇ ફાટક બંધ કરવામાં આવી રહ્યું છે જો વધુ પડતો ટ્રાફીક જામ સર્જાય તો ફાટક પર હાજર ગેટમેન ઓફિસીયલી જાણ કરે તો ફાટક ખોલવાની પરમીશન પણ આપી શકાય છે. (તસ્વીરઃ ભાવેશ ભોજાણી-ગોંડલ)

(11:46 am IST)
  • કર્ણાટકના મુખ્યમંત્રી યેદિયુરપ્પાના રાજકીય સચિવ એન.આર.સંતોષે આત્મહત્યાનો પ્રયાસ કર્યો : ગઈકાલ શુક્રવારે ઊંઘની ટીકડી ખાઈ લેતા હોસ્પિટલમાં સારવાર માટે દાખલ કરાયા : સચિવની ખબર કાઢવા યેદીયુરપ્પા હોસ્પિટલે પહોંચ્યા : આત્મહત્યાની કોશિષ નું કારણ જાણવા પોલીસ તપાસ ચાલુ access_time 1:53 pm IST

  • પેટ્રોલ ડીઝલના ભાવમાં આજે આઠમા દિવસે પણ ભાવમાં વધારો ઝીંકાયો: પેટ્રોલમાં 24 પૈસા અને ડીઝલનાં ભાવમાં પ્રતિ લિટરે 31 પૈસાનો વઘારો થયો :આઠ દિવસમાં પેટ્રોલમાં 1.07 અને ડીઝલમાં 1.86 ૱ નો ભાવ વધારો થયો છે:ભાવ વધારો સવારે છ વાગ્યા થી લાગુ થશે access_time 11:44 pm IST

  • હિમાચલ પ્રદેશમાં માસ્ક નહીં પહેર્યો હોય તો વિના વોરંટ ધરપકડ થશે : હિમાચલ પ્રદેશમાં કોઇ પણ વ્યક્તિ માસ્ક પહેર્યા વિનાની નજરે પડશે તો વોરંટ વિના તેની ધરપકડ થશે અને તેમને જેલ સજા સુધીની જોગવાઈ કરવામાં આવી છે. access_time 10:44 am IST