Gujarati News

Gujarati News

News of Saturday, 28th November 2020

કોરોના મહામારી વચ્ચે મોરબી પાલિકા કચેરીએ લાંબી લાઈનો અને સોશ્યલ ડીસ્ટન્સના ધજાગરા

જન્મ તારીખના દાખલા મેળવવા લાઈનો લાગી : સરકારી કચેરીમાં જ સોશ્યલ ડીસ્ટન્સના લીરેલીરા

  (પ્રવિણ વ્યાસ દ્વારા) મોરબી,તા.૨૮ : કોરોના કહેર સર્વત્ર જોવા મળી રહ્યો છે મોરબી જીલ્લામાં પણ કોરોના કેસોની સંખ્યા સતત વધી રહી છે ત્યારે કોરોના સામે રક્ષણ માટે સરકારે કેટલીક ગાઈડલાઈન્સ જાહેર કરી છે જેનું પાલન દરેક નાગરિકોએ કરવાનું હોય છે જોકે મોરબી નગરપાલિકા કચેરીમાં જ સોશ્યલ ડીસ્ટન્સના લીરેલીરા ઉડતા જોવા મળ્યા હતા

મોરબી નગરપાલિકા કચેરીએ જન્મ તારીખના દાખલા મેળવવા માટે નાગરિકોએ લાંબી લાઈનો લગાવી હતી સરકાર દ્વારા સોશ્યલ ડીસ્ટન્સ અને માસ્ક સહિતના નિયમોના પાલન કરવાની સૂચનાઓ આપવામાં આવી હોય છે જોકે મોરબીની નગરપાલિકા કચેરી ખાતે જ નિયમોના લીરેલીરા ઉડ્યા હતા જયાં લાંબી લાઈનો સાથે સોશ્યલ ડીસ્ટન્સનો અભાવ જોવા મળ્યો હતો તો સરકારી બાબુઓને પણ ગાઈડલાઈન્સનું પાલન કરાવવામાં કાઈ રસ ના હોય તેવો દ્યાટ જોવા મળ્યો હતો અને કોરોના મહામારી વચ્ચે લોકોએ સોશ્યલ ડીસ્ટન્સના ધજાગરા ઉડાવી જે બેદરકારી દાખવી હતી તે અનેક લોકોના જીવ જોખમમાં મૂકી સકે છે તો આ મામલે પાલિકાના ચીફ ઓફિસર ગીરીશ સરૈયાએ જણાવ્યું હતું કે ભીડ ના થાય તે માટે કામગીરી સભાખંડમાં ખસેડવામાં આવી છે અને યોગ્ય તકેદારી પણ રાખવામાં આવે છે નાગરિકો પણ સહકાર આપે અને ગંભીરતા દાખવે તે જરૂરી છે.

(11:35 am IST)
  • હિમાચલ પ્રદેશમાં માસ્ક નહીં પહેર્યો હોય તો વિના વોરંટ ધરપકડ થશે : હિમાચલ પ્રદેશમાં કોઇ પણ વ્યક્તિ માસ્ક પહેર્યા વિનાની નજરે પડશે તો વોરંટ વિના તેની ધરપકડ થશે અને તેમને જેલ સજા સુધીની જોગવાઈ કરવામાં આવી છે. access_time 10:44 am IST

  • કર્ણાટકના મુખ્યમંત્રી યેદિયુરપ્પાના રાજકીય સચિવ એન.આર.સંતોષે આત્મહત્યાનો પ્રયાસ કર્યો : ગઈકાલ શુક્રવારે ઊંઘની ટીકડી ખાઈ લેતા હોસ્પિટલમાં સારવાર માટે દાખલ કરાયા : સચિવની ખબર કાઢવા યેદીયુરપ્પા હોસ્પિટલે પહોંચ્યા : આત્મહત્યાની કોશિષ નું કારણ જાણવા પોલીસ તપાસ ચાલુ access_time 1:53 pm IST

  • રાજકોટમાં હેર સલુનોમાં કોરોના ટેસ્ટીંગ શરૂ : કોરોના સંક્રમણ રોકવા આજથી શહેરના હેર સલુનોમાં ચેકીંગ શરૂ કરાયાનું જાણવા મળ્યુ છે access_time 3:46 pm IST