Gujarati News

Gujarati News

News of Friday, 27th November 2020

કોરોનાના નામે કનડગતનો આરોપ : બગસરાના વેપારીઓનો બે દિવસ બજાર બંધ રાખવા નિર્ણય

વેપારીઓએ ધારાસભ્ય, ભાજપ પ્રમુખ, ઇન્ચાર્જ મામલતદાર સાથે બેઠક તોજી હતી પરંતુ આડેધડ દંડ વસુલાતા આખરે બે દિવસ બંધ પાળવા નિર્ણંય કર્યો

અમદાવાદ : રાજ્યમાં કોરોના ગાઇડ લાઇનના નામે પોલીસની કનડગતના વિરોધમાં બગસરાના વેપારીઓએ બે દિવસ બજાર જ બંધ રાખવાનો મોટો નિર્ણય લઇ લીધો છે ગુજરાતમાં કોરોનાના કેસો સતત વધી રહ્યા છે. કોરોના મહામારી પર અંકુશ લાવવા માટે સરકારી માર્ગદર્શિકા જાહેર કરી છે, પરંતુ લોકો આ માર્ગદર્શિકાનું ખુલ્લેઆમ ભંગ કરી રહ્યા છે. આવા લોકોને પાઠ ભણાવવા માટે તંત્ર દ્વારા દંડ ફટકારવામાં આવી રહ્યો છે. જોકે અમરેલીના બગસરાના વેપારીઓનું કહેવું છે કે તંત્ર દ્વારા વધુ પડતી કડકાઇ બતાવવામાં આવી રહી છે અને બેફામ દંડ ફટકારી રહી છે. જેથી બગસરાના વેપારીઓએ બે દિવસ બજાર બંધ રાખવાનો નિર્ણય કર્યો છે.

અમરેલીના બગસરા તાલુકામાં પાલિકા દ્વારા દંડ માટે નિમાયેલા અધિકારીઓ માસ્ક અને સોશિયલ ડિસ્ટન્સના નામે નાના-મોટા વેપારીઓ સામાન્ય પ્રજાને દંડ ફટાકારી રહ્યા છે. જેના વિરોધમાં બગસરાની તમામ સંસ્થાઓ દ્વારા બગસરા આજથી 2 દિવસ બંધ રાખવાનો નિર્ણય લીધો છે. સ્થાનિક વેપારીઓ અને સામાન્ય લોકોએ આરોપ લગાવ્યા છે કે બગસરામાં મામલતદાર તેમજ નગરપાલિકા તેમજ પોલીસ સ્ટાફ દ્વારા સંયુક્ત રીતે ટીમ બનાવી દરરોજ મસમોટી રકમનો દંડ વસુલાત કરવામાં આવે છે. સ્થાનિકોનું આરોપ છે કે કોરોના મહામારીના નામે લોકોને ખંખેરવાનો પોલીસ સ્ટાફે નવો કીમિયો શોધી લીધો તેવું લાગી રહ્યો છે.

બગસરા ચેમ્બર ઓફ કોમર્સ, વેપારી મહામંડળ, હોલસેલ તેમજ રિટેલર કિરાણા એસોસિએશન, પાનબીડી એસોસિયેશન, કાપડ એસોસિએશન, મશીનરી તેમજ હાર્ડવેર એસોસિએશન સહિતની વેપારી સંસ્થાના હોદ્દેદારોએ ધારાસભ્ય જે.વી.કાકડીયા તેમજ બગસરા શહેર ભાજપ પ્રમુખ એ.વી.રિબડીયા ઇનચાર્જ મામલતદાર સાથે તંત્ર દ્વારા વસૂલાતો દંડ બાબતે બેઠક યોજી હતી, પરંતુ કોઇ નિર્ણય ના આવતા બંધનો નિર્ણય લેવામાં આવ્યો છે

(6:25 pm IST)
  • સુરત મનપા કમિશનર બન્છાનિધિ પાનીનો મોટો નિર્ણય : સુરતમાં કોરોનાનો કહેર વધતા મનપાના સ્ટાફની શનિ-રવિની રજાઓ કરી રદ્દ access_time 11:50 pm IST

  • મહારાષ્ટ્ર સરકારનો મહત્વનો નિર્ણય : 30 હજાર સેક્સ વર્કર્સને દર મહિને 5 હજાર રૂપિયા આપશે : ઉપરાંત જેમના બાળકો સ્કૂલમાં અભ્યાસ કરે છે તેમને દર મહિને અઢી હજાર રૂપિયા વધુ અપાશે : રાજ્યના 32 જિલ્લાની 30 હજાર મહિલા સેક્સ વર્કર્સને આર્થિક સહાય માટે 51 કરોડ રૂપિયા ખર્ચવાનું આયોજન : મહિલા તથા બાળવિકાસ મંત્રી યશોમતી ઠાકુરની ઘોષણાં access_time 11:43 am IST

  • દેશમાં કોરોના કેસનો આંકડો 93 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 42 054 કેસ નોંધાયા:કુલ કેસનો આંકડો 93, 08,751 થયો :એક્ટીવ કેસ 4, 54,323 થયા: વધુ 38,580 દર્દીઓ સ્વસ્થ થતા કુલ 87,16,556 રિકવર થયા :વધુ 473 લોકોના મોત સાથે કુલ મૃત્યુઆંક 1,35, 734 થયો access_time 12:14 am IST