Gujarati News

Gujarati News

News of Friday, 27th November 2020

ભાવનગરમાં બંધ મકાનમાં તસ્કરો ત્રાટકયા : ૧.૩૨ લાખનો મુદ્દામાલ જપ્ત

(મેઘના વિપુલ હિરાણી દ્વારા) ભાવનગર તા. ૨૭ : શહેરના દેસાઇનગર વિસ્તારમાં આવેલ શિવ રેસીડેન્સીના ફલેટ નં. ૨૦૧માં રહેતા હિરેનભાઇ ગણપતભાઇ ભટ્ટના બંધ મકાનમાં ત્રાટકી તસ્કરોએ કબાટના તાળા તોડી રોકડ તથા દાગીના મળી રૂ. ૪૭૦૦૦ તેમજ બાજુમાં આવેલ છત્રપાલસિંહ વિક્રમસિંહ પરમારના બંધ ફલેટના પણ તાળા તોડી કબાટમાંથી રોકડા રૂ. ૮૫૦૦૦ મળી બંનેના કુલ ૧,૩૨,૦૦૦ની મત્તાની ચોરી કરી તસ્કરો નાસી છૂટયા હતા. આ અંગે ડી-ડીવીઝન પોલીસ સ્ટેશનમાં ફરીયાદ નોંધાવતા પોલીસે ગુન્હો નોંધી વધુ તપાસ પી.આઇ. રાવલ ચલાવી રહ્યા છે.

યુવાનનો આપઘાત

માલણકા ગામે રહેતા ઘનશ્યામભાઇ ભોળાભાઇ બારૈયા (ઉ.વ.૩૮) નામના યુવાને માનસિક બિમારીથી કંટાળી જઇ પોતાની વાડીએ જઇ ગળાફાંસો ખાઇ આત્મહત્યા કરી હતી. આ અંગે પોલીસ વધુ તપાસ ચલાવી રહી છે.

(11:38 am IST)
  • ચેન્નાઈમાં આવકવેરાનું મેગા ઓપરેશન ચાલુ: આ લખાય છે ત્યારે તામિલનાડુના ચેન્નાઈમાં જબરજસ્ત મોટું આવકવેરાનું ઓપરેશન શરૂ થઈ ગયું છે વિગતો મેળવાઇ રહી છે.. "ન્યૂઝફર્સ્ટ" access_time 10:49 am IST

  • દેશમાં કોરોના કેસનો આંકડો 93 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 42 054 કેસ નોંધાયા:કુલ કેસનો આંકડો 93, 08,751 થયો :એક્ટીવ કેસ 4, 54,323 થયા: વધુ 38,580 દર્દીઓ સ્વસ્થ થતા કુલ 87,16,556 રિકવર થયા :વધુ 473 લોકોના મોત સાથે કુલ મૃત્યુઆંક 1,35, 734 થયો access_time 12:14 am IST

  • પેટ્રોલ ડીઝલના ભાવમાં આજે આઠમા દિવસે પણ ભાવમાં વધારો ઝીંકાયો: પેટ્રોલમાં 24 પૈસા અને ડીઝલનાં ભાવમાં પ્રતિ લિટરે 31 પૈસાનો વઘારો થયો :આઠ દિવસમાં પેટ્રોલમાં 1.07 અને ડીઝલમાં 1.86 ૱ નો ભાવ વધારો થયો છે:ભાવ વધારો સવારે છ વાગ્યા થી લાગુ થશે access_time 11:44 pm IST