Gujarati News

Gujarati News

News of Wednesday, 27th January 2021

અમૃતપુરમાં માનસિક અસ્થિર વૃદ્ધને દીપડાએ ફાડી ખાધા

અમરેલી જિલ્લામાં દીપડાનો આતંક : અમૃતપુર ગામમાં માનવભક્ષી દીપડાને પકડવા માટે આસપાસના વિસ્તારોમાં પાંજરા પણ ગોઠવવામાં આવ્યા

રાજકોટ, તા. ૨૭ : ૭૫ વર્ષના એક માનસિક રીતે અસ્વસ્થ વૃદ્ધને દીપડાએ ફાડી ખાધા હોવાનો ચોંકાવનારો બનાવ અમરેલીના અમૃતપુર ગામમાં બન્યો છે. આ વૃદ્ધને ગામની બહાર આવેલા ખેતરમાં બનાવાયેલી ઓરડીમાં પરિવારજનોએ સાંકળથી બાંધી રાખ્યા હતા. મંગળવારે રાત્રે દીપડાએ તેમના પર હુમલો કર્યો હતો અને વૃદ્ધનું ઘટનાસ્થળે જ મોત થયું હતું. મૃતકનું નામ મનુભાઈ સાવલિયા હોવાનું બહાર આવ્યું છે.

ગીર ઈસ્ટ ડિવિઝનના ડેપ્યુટી ડીસીએફ અંશુમાન શર્માએ આ અંગે જણાવ્યું હતું કે પ્રાથમિક દ્રષ્ટિએ એવું લાગી રહ્યું છે કે વૃદ્ધ પર દીપડાએ હુમલો કર્યો છે. દીપડો તેમના શરીરનો કેટલોક ભાગ ખાઈ પણ ગયો છે. હાલ મૃતદેહને પીએમ માટે મોકલવામાં આવ્યો છે અને માનવભક્ષી દીપડાને પકડવા માટે આસપાસના વિસ્તારોમાં પાંજરા પણ ગોઠવવામાં આવ્યા છે.

બીજી તરફ, જે ગામમાં આ ઘટના બની હતી ત્યાંના સ્થાનિક લોકોએ જણાવ્યું હતું કે મૃતકને ગામની બહાર આવેલા ખેતરમાં બનાવાયેલી ઓરડીમાં તેમના પરિવારજનો સાંકળ સાથે બાંધીને રાખતા હતા.

અમરેલીના એસપી નિર્લિપ્ત રાયે જણાવ્યું હતું કે પીડિતને સાંકળ સાથે બાંધી રખાતા હતા કે કેમ તેવા આક્ષેપોની ખરાઈ કરવા માટે પોલીસની એક ટીમ મોકલવામાં આવી છે. હાલ આ મામલે અકસ્માતે મોતનો કેસ નોંધી તપાસ શરુ કરવામાં આવી છે, અને પ્રાથમિક તપાસ બાદ જો કંઈ ખોટું થયાના પુરાવા હાથ લાગશે તો તે અનુસાર ગુનો નોંધવામાં આવશે.

(9:14 pm IST)
  • સુબ્રમણ્યમ સ્વામીના એક ટવીટે ખળભળાટ સર્જયો : ભાજપના સાંસદ શ્રી સુબ્રમણ્યમ સ્વામીએ તેના ટવીટર હેન્ડલ @swamy39 ઉપર ટવીટ કયુ છે આ ટવીટે ખળભળાટ મચાવ્યો છે. હજારો લાઇક અને રીટવીટ થઇ રહયા છે. ‘પીએમઓ’માં ઉચ્ચ સ્થાને બીરાજતા લોકોની નજીક રહેલ ભાજપના સભ્યએ લાલ કિલ્લાના ડ્રામામાં ઉશ્કેરણી સર્જનાર એજન્ટ તરીકે ભાગ ભજવ્યાની ભારે ચર્ચા છે, જે ‘‘ફેઇક પણ હોઇ શકે છે અથવા દુશ્મનોની ફેઇક આઇડી પણ હોઇ શકે છે. આ ચેક કરવા અને જણાવવા અપીલ કરું છું’’ access_time 12:30 pm IST

  • દ્વારકા જિલ્લામાં લેન્ડ ગ્રેબિંગનો પ્રથમ ગુનો નોંધાતા ચકચાર:ભાણવડની વારીયા બાલમંદિરની ટ્રસ્ટની જગ્યામાં કબજો કરી ખંડણી માગનાર બે મહિલા સહિતના સામે ફરિયાદ કરાઈ હતી: ભાણવડ પોલીસે ધરપકડની તજવીજ હાથ ધરી access_time 7:10 pm IST

  • ખેડૂત નેતા શિવકુમાર કક્કાએ ટ્રેક્ટર પરેડ દરમિયાન થયેલા હોબાળો માટે માફી માંગી : તેમણે કહ્યું કે હિંસાના ગુનેગારો સંયુક્ત ખેડૂત મોરચાના ભાગ નથી. શિવકુમાર કક્કા એક ખાનગી ચેનલ સાથે વાત કરી રહ્યા હતા. access_time 7:57 pm IST