Gujarati News

Gujarati News

News of Wednesday, 27th January 2021

પ્રેમ સબંધમાં લાગી આવતા જૂનાગઢના યુવાનનો આપઘાત

ઓપરેશન દરમિયાન યુવકના મોતથી અરેરાટી

(વિનુ જોષી) જૂનાગઢ તા. ૨૭ : જૂનાગઢનાં દાતાર રોડ પાસે આવેલ વાણંદ સોસાયટીમાં રહેતા અંકિતને તેની જ જ્ઞાતિની એક છોકરી સાથે પ્રેમ સબંધ હતો. જેમાં તેને કોઇ બાબતે લાગી આવતા તેણે ગળા ફાંસો ખાઇને મોતને મીઠું કરી લીધું હતું.

આ અંગેની જાણ રમેશ ચુડાસમાએ કરતા પોલીસે દોડી જઇને મૃતદેહને પોસ્ટમોર્ટમ માટે મોકલી આપી ધોરણસરની કાર્યવાહી કરી હતી. વિશેષ તપાસ એ-ડીવીઝનના પીએસઆઇ જે.એચ.કછોટ ચલાવી રહ્યા છે.

જૂનાગઢના રામદેવપરામાં રહેતા રૂતિક રાજેશભાઇ મોલાડીયા (ઉ.૧૮)નું અત્રે ઝાંઝરડા ચોકડી ખાતેની કલ્પ હોસ્પિટલમાં વધરાવળના ઓપરેશન દરમિયાન મૃત્યુ થતાં હેડ કોન્સ્ટેબલ પી.સી.ચાવડાએ તપાસ હાથ ધરી છે.

(1:11 pm IST)
  • ખેડૂત નેતા શિવકુમાર કક્કાએ ટ્રેક્ટર પરેડ દરમિયાન થયેલા હોબાળો માટે માફી માંગી : તેમણે કહ્યું કે હિંસાના ગુનેગારો સંયુક્ત ખેડૂત મોરચાના ભાગ નથી. શિવકુમાર કક્કા એક ખાનગી ચેનલ સાથે વાત કરી રહ્યા હતા. access_time 7:57 pm IST

  • દ્વારકા જિલ્લામાં લેન્ડ ગ્રેબિંગનો પ્રથમ ગુનો નોંધાતા ચકચાર:ભાણવડની વારીયા બાલમંદિરની ટ્રસ્ટની જગ્યામાં કબજો કરી ખંડણી માગનાર બે મહિલા સહિતના સામે ફરિયાદ કરાઈ હતી: ભાણવડ પોલીસે ધરપકડની તજવીજ હાથ ધરી access_time 7:10 pm IST

  • સુબ્રમણ્યમ સ્વામીના એક ટવીટે ખળભળાટ સર્જયો : ભાજપના સાંસદ શ્રી સુબ્રમણ્યમ સ્વામીએ તેના ટવીટર હેન્ડલ @swamy39 ઉપર ટવીટ કયુ છે આ ટવીટે ખળભળાટ મચાવ્યો છે. હજારો લાઇક અને રીટવીટ થઇ રહયા છે. ‘પીએમઓ’માં ઉચ્ચ સ્થાને બીરાજતા લોકોની નજીક રહેલ ભાજપના સભ્યએ લાલ કિલ્લાના ડ્રામામાં ઉશ્કેરણી સર્જનાર એજન્ટ તરીકે ભાગ ભજવ્યાની ભારે ચર્ચા છે, જે ‘‘ફેઇક પણ હોઇ શકે છે અથવા દુશ્મનોની ફેઇક આઇડી પણ હોઇ શકે છે. આ ચેક કરવા અને જણાવવા અપીલ કરું છું’’ access_time 12:30 pm IST