Gujarati News

ઉપલેટા : તાલુકાના ગામ પાસે ભાદર નદીના આવેલ રેતીની લીઝમા રેતી ભરવા જવા માટે ડમ્પરો માટેનો રસ્તો બનાવવામા આવ્યો છે.તે રસ્તે ડમ્પર ઢાળ ઉપરથી નીચે નદી તરફ રિવર્સમાં જઈ રહયુ હતુ તે દરમ્યાન ભાદર નદીમાં માછીમારી કરવા આવેલા યુવક રાજેશ ઉર્ફે કાલો જેઠાભાઈ મકવાણા દેવીપુજક ઢાળ ઉપરથી ઉપર ચડી રહયો હતો તેણે ઢાળ ઉપરથી નીચે તરફ રિવર્સમાં આવતા ડમ્પરને જોઈ સાઈડમાં ઉભી ગયેલ પરંતુ અચાનક તેમનો પગ લપસી પડતા ડમ્પરના પાછલા વ્હીલના જોટામા આવી જતા યુવકનુ મોત નિપજયુ હતુ. રાજેશ મકવાણા ચોમાસામા ભાદર નદીમા વરસાદનુ પાણી આવતુ હોય છે ત્યારથી માછીમારી કરવા માટે ભાદર નદીમાં આવતો હોય છે આ યુવાન વર્ષોથી માછીમારીના ધંધામાં સંકળાયેલો હતો તેમજ તે બોલી પણ ન શકતો. ઉપલેટા પોલીસ ઘટનાસ્થળે પહોંચી મૃતદેહનુ પંચનામુ કરી ૧૦૮ મારફત પોસ્ટમોર્ટમ માટે ઉપલેટા કોટેજ હોસ્પિટલ ખાતે ખસેડવામાં આવ્યો હતો. (તસ્વીર - અહેવાલ : ભરત દોશી, ઉપલેટા)