Gujarati News

Gujarati News

News of Friday, 26th February 2021

સિંધી ભાષાના પ્રખર વિદ્વાન, સર્જક, વિવેચક અને સિંધોલોજીના સ્થાપક ડો. સતીષ રોહડાનું કચ્છના આદિપુરમાં દુઃખદ નિધન

(વિનોદ ગાલા દ્વારા)ભુજ::::: સિંધી ભાષાના જાણીતા મર્મજ્ઞ અને સર્જક ડો. સતીષ રોહડાનું આદિપુર મધ્યે દુઃખદ નિધન થયું છે. ૯૨ વર્ષીય ડો. સતીષ રોહડા એ સિંધી ભાષાના સંવર્ધન, પ્રચાર પ્રસાર અને અભ્યાસ માટે આદિપુરમાં ૧૯૮૯ માં ઇન્ડીયન ઇન્સ્ટિટ્યૂટ ઓફ સિંધોલોજી ની સ્થાપના કરી હતી. સિંધી ભાષામાં બે ડઝન કરતાંયે વધુ પુસ્તકો લખનાર ડો. સતીષ રોહડાએ અંગ્રેજી, હિન્દી માં પણ પુસ્તકો લખ્યા છે. તો, કચ્છી ભાષા ઉપર પણ પીએચડી કરી તેઓએ ડોક્ટરેટની ડિગ્રી મેળવી હતી. હમણાં દસેક દિવસ અગાઉ જ સિંધી વાર્તાઓનું તેમનું પુસ્તક પ્રકાશિત થયું હતું. તેઓ સિંધી ભાષાના લોકપ્રિય લેખક હતા. સિંધી ભાષાના પ્રખર વિદ્વાન અને મર્મજ્ઞ એવા ડો. સતીષ રોહિડા નું પોતાની માતૃભાષા સિંધી માટેનું પ્રદાન અનન્ય હતું.

      તસ્વીર માં  ડો. સતીષ રોહડા અને સિંધી ભાષાના અભ્યાસ માટે આદિપુરની સિંધોલોજી ઇન્સ્ટિટ્યૂટ નજરે પડે છે

(9:32 am IST)
  • રીઝર્વ બેન્કે ગુનાની ગૃહ કો-ઓપરેટીવ બેન્ક લીમીટેડ પર મૂકયો પ્રતિબંધ : ખાતેદારો ૫૦,૦૦૦ રૂપિયા સુધી ઉપાડી શકશે : મંજૂરી વિના કોઈપણ પ્રકારની ગ્રાન્ટ આપવા મનાઈ : નવી લોન આપી શકાશે નહિં અથવા લોન રીન્યુ કરી શકશે નહિં : થાપણો સ્વીકારવા ઉપર મનાઈ : ૯૯%થી વધુ લોકોના નાણા સુરક્ષીત : લાયસન્સ રદ્દ કરાયુ નથી access_time 3:54 pm IST

  • કોરોનાના વધતા કેસથી યુપી અને ઓરિસ્સા સરકાર એલર્ટ : અન્ય રાજ્યોમાંથી આવનાર માટે ક્વોરેન્ટાઇન અનિવાર્ય : ઓરિસામાં હવે મહારાષ્ટ્ર, કેરળ, તમિલનાડુ,છત્તીસગઢ,મધ્યપ્રદેશ, તેલંગાણા, પશ્ચિમ બંગાળ , પંજાબ, દિલ્હી, ચંદીગઢ, કર્ણાટક,અને આંધ્રપ્રદેશથી આવનારા લોકોને 7 દિવસ હોમ આઇસોલેશન ફરજીયાત કરાયું access_time 12:44 am IST

  • મહારાષ્ટ્ર : શનિવારે સાંજે 5 થી સોમવારે સવારે 9 વાગ્યા સુધી યાવતમાલ જિલ્લામાં કર્ફ્યુ લાદવામાં આવ્યો છે, આ કર્ફ્યુ દરમિયાન આવશ્યક સેવાઓ ચાલુ રહેશે: એમ દેવેન્દ્રસિંહ, કલેકટર, યાવતમાલ access_time 6:30 pm IST