Gujarati News

Gujarati News

News of Friday, 26th February 2021

પૂર્વ કલેકટર પ્રદીપ શર્મા ભુજ કોર્ટમાં થયા હાજર, જૂના કેસોની ટ્રાયલ ચાલુ : કચ્છમાં કલેકટર તરીકેના કાર્યકાળ દરમ્યાન પ્રદીપ શર્મા વિરૂદ્ધ અલગ અલગ ૬ કેસ નોંધાયા છે

(વિનોદ ગાલા દ્વારા) ભુજ::: રાજકોટ અને કચ્છના પૂર્વ કલેકટર પ્રદીપ શર્મા સામે રાજ્ય સરકાર દ્વારા નોંધાયેલા અલગ અલગ ગુનાઓની સુનાવણી શરૂ થઈ છે. ગઇકાલે આ સંદર્ભે પ્રદીપ શર્મા ભુજ કોર્ટમાં હજાર થયા હતા. કચ્છમાં કલેકટર તરીકેના કાર્યકાળ દરમ્યાન પ્રદીપ શર્મા વિરૂદ્ધ અલગ અલગ ૬ કેસ નોંધાયા છે. જે પૈકી ભુજની જથ્થાબંધ બજાર અને જિંદાલ સો કંપનીને જમીન ફાળવણી કરવાના કેસની સુનાવણી શરૂ થઈ છે. પ્રદીપ શર્માએ ભુજ જથ્થાબંધ બજારના કેસમાં પોતાને બિન તહોમત છોડી મૂકવા અરજી કરી છે. જે કેસની ટ્રાયલ ની સુનાવણી હાથ ધરાયા બાદ નવી તારીખ ૬ માર્ચ પડી હોવાનું જાણવા મળે છે. પ્રદીપ શર્માએ કચ્છમાં વેલસ્પન કંપનીને ફાળવેલ જમીન, મોબાઈલ ફોન ના બિલની કંપની દ્વારા ચુકવણી અને આ કંપનીના અન્ય યુનિટ માં તેમના પત્નીની ભાગીદારી અંગે ઈડી દ્વારા થયેલી તપાસનો કેસ અમદાવાદ કોર્ટમાં ટ્રાન્સફર થયો છે. તો, કચ્છના કિડાણા ગામે જમીન ફાળવણી અને રાજકોટના ટંકારા ગામે જમીનની ફાળવણીનો કેસ સુપ્રીમ કોર્ટમાં ચાલે છે. જોકે,ભુજની પાલારા જેલમાં પ્રદીપ શર્મા પાસેથી મોબાઈલ મળી આવતાં તેમની સામે એ અંગે પણ કેસ ચાલી રહ્યો છે. ભુજ કોર્ટમાં સરકાર તરફે ખાસ પીપી તરીકે જિલ્લા સરકારી વકીલ કલ્પેશ ગોસ્વામી હાજર રહ્યા હતા.

(9:30 am IST)
  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST

  • એફિલ ટાવરથી પણ ઊંચા ભારતના ગૌરવની તસ્વીર : રેલમંત્રીએ આપી જાણકારી :જમ્મુ-કાશ્મીરમાં દુનિયાનો સૌથી ઊંચો પુલની કામગીરી અંતિમ તબક્કામાં : રેલવે મંત્રીએ તસ્વીર શેર કરી : કટડા -બનિહાલ વચ્ચે રિયાસીમાં ચિનાબ નદી પર આ પુલનું નિર્માણ access_time 1:20 am IST

  • રાજયમાં ફાયર સેફટી એકટના અમલમાં હાઇકોર્ટનું કડક વલણ : કોર્ટે કહ્યું.. લોકોના જીવના જોખમે હોસ્પિટલો અને શાળાઓ ધંધો કરી શકશે નહીં: શ્રેય હોસ્પિટલ ફરી શરૂ કરવાની રજૂઆત કોર્ટે ફગાવીઃ અમદાવાદ હોસ્પિટલ અને નર્સિગ એસોસીએશનને હાઇકોર્ટનો નિર્દેશ.. ફાયર સેફટીના નિયમોનું પાલન કરો અથવા હોસ્પિટલ બંધ કરોઃ ફાયર સેફટી વગરની ઇમારતો ફેકટરી શાળાઓ અને હોસ્પિટલો સામે કડક કાર્યવાહી કરવા હાઇકોર્ટનો સરકારનો આદેશ. access_time 3:54 pm IST