Gujarati News

Gujarati News

News of Wednesday, 25th November 2020

એચડીએફસી બેંકમાં નોકરી અપાવવાના બહાને કેશોદની યુવતિ સાથે ઠગાઇ

(વિનુ જોશી દ્વારા) જુનાગઢ, તા. રપ : એચડીએફસી બેંકમાં નોકરી અપાવવાના બહાને એક અજાણી સ્ત્રીએ કેશોદની યુવતિ સાથે ઠગાઇ આચરતા ચકચાર વ્યાપી ગઇ હતી.

આ અંગેની વિગતો એવી છે કે, કેશોદમાં માંગરોળ રોડ પર આવેલ રામવાડી વિસ્તારમાં રહેતી દૃષ્ટિબેન ધર્મેન્દ્રભાઇ ઠુંમર (ઉ.વ.ર૧) નામની યુવતિને ગત તા. ૧૭/૧૧ના રોજ બપોરના ત્રણ વાગ્યાની આસપાસ એક અજાણી સ્ત્રીએ તેના મો. ૭ર૯૧૦ ર૩૭૧૩ ઉપરથી ફોન કરી એચડીએફસી બેંકમાં નોકરી અપાવી દેવાની લાલચ આપી હતી.

બાદમાં આ સ્ત્રીએ દૃષ્ટિ ઠુંમરના મોબાઇલમાં એનીડેસ્ક નામની એપ્લીકેશન ડાઉનલોડ કરાવી તેની આઇડી યુવતિ પાસેથી મેળવી લઇ તેના બેંક ઓફ બરોડાના એકાઉન્ટમાંથી રૂ. ૪૯૧૦૦ની રોકડ ઉપાડી લઇ ઠગાઇ કરી હતી.

આ અંગે ગઇકાલે કેશોદની આ યુવતિએ ફરીયાદ કરતા પોલીસે અજાણી સ્ત્રી વિરૂદ્ધ વિશ્વાસઘાત અને છેતરપીંડીનો ગુનો નોંધીને ધોરણસરની કાર્યવાહી હાથ ધરી હતી.

વિશેષ તપાસ કેશોદના પીઆઇ આર.એમ. વસાવા ચલાવી રહ્યા છે.

દાઝી જતા મોત

કેશોદ તાલુકાના બામણાસા-ઘેડ ગામના ભીમાભાઇ રામભાઇ કરંગીયા (ઉ.વ.૬૦) નું કોઇ કારણસર દાઝી જવાથી મૃત્યુ થતાં પોલીસે આગળની કાર્યવાહી હાથ ધરી છે.

(1:02 pm IST)
  • મહારાષ્ટ્રમાં કોરોનાએ વધુ 30 જીવ લીધા: 5,439 નવા કોવિડ કેસ : મહારાષ્ટ્રમાં 5,439 નવા કોવિડ કેસ નોંધાયા છે, જે સાથે કુલ કોવિડ કેસોની સંખ્યા 17,89,800 થઈ છે; વધુ 30 મૃત્યુ સાથે કુલ મૃત્યુઆંક 46683 ઉપર પહોંચ્યો છે. access_time 9:54 pm IST

  • દેશમાં કોરોનાથી મૃત્યુઆંક 1.35 લાખને પાર પહોંચ્યો : રાત્રે 11-30 વાગ્યા સુધીમાં કોરોનાના નવા 42,822 કેસ નોંધાયા:કુલ કેસનો આંકડો 92,64,820 થયો :એક્ટીવ કેસ 4,49,490 થયા: વધુ 36,582 દર્દીઓ સ્વસ્થ થતા કુલ 86,77,986 રિકવર થયા :વધુ 502 લોકોના મોત સાથે કુલ મૃત્યુઆંક 1,35,245 થયો access_time 12:04 am IST

  • દિલ્હીમાં તાંડવ મચાવે છે કોરોનાઃ સતત પાંચમાં દિવસે ૧૦૦થી વધુના મોતઃ ર૪ કલાકમાં ૬૬ર૪ કેસઃ ગઇકાલે વધુ ૧૦૯ના મોત નોંધાયા access_time 3:20 pm IST