Gujarati News

Gujarati News

News of Wednesday, 25th November 2020

સિંચાઇ વિભાગના કાર્યપાલક ઇજનેર કોરોના પોઝીટીવ

દ્વારકા જિલ્લા પંચાયતમાં કોરોના વધુ વકર્યો : હોમ આઇસોલેટ થયાઃ સાથી અધિકારી, કર્મીઓમાં ફફડાટ

ખંભાળીયા તા. રપ :.. ખંભાળીયા સ્થિત દ્વારકા જિલ્લા પંચાયતમાં કોરોનાએ પગલા પાડતાં ગઇકાલે જિલ્લા વિકાસ અધિકારી બાદ સિંચાઇ વિભાગનાં કાર્યપાલક ઇજનેર પણ પોઝીટીવ આવતાં કચેરીમાં ફફડાટ ફેલાયો છે. દિવાળી તહેવાર બાદ સમગ્ર રાજયમાં કોરોનાની બીજી લહેર રૂપે પોઝીટીવ કેસની સંખ્યા વધી રહી છે. ત્યારે દ્વારકા જિલ્લામાં એકંદરે કોરોના કેસની સંખ્યા ઓછી જોવા મળી રહી છે. નવા વર્ષની સાથે કોરોનાએ સરકારી કચેરીઓમાં પણ પગલા પાડતાં ગઇકાલે ડીડીઓ જાડેજા કોરોનાનો કોરોનાં રીપોર્ટ પોઝીટીવ આવ્યા બાદ તેઓ હોમસોલેટ થયા હતાં અને તેમની સાથેના અધિકારીઓ, કર્મચારીઓએ પણ રીપોર્ટ કરાવ્યા હતાં. તેમજ ઓફીસ પણ સેનેટાઇઝર કરાવવાની કામગીરી કરવામાં આવી હતી. તો ગત સાંજે જિલ્લા પંચાયત કચેરીનાં સિંચાઇ વિભાગના કાર્યપાલક ઇજનેર સુધીર મકવાણા કોરોના પોઝીટીવ આવતાં જિલ્લા પંચાયત કચેરીમાં વધુ ફફડાટ ફેલાયો છે.

તેઓ હોમ આઇસોલેટ થયા છે તેમની સાથેના સહ અધિકારીઓ અને કર્મચારીઓએ પણ કોરોના રીપોર્ટ કરાવ્યા છે. ત્યારે અગાઉ પણ જિલ્લાની મહત્વની પોલીસની શાખામાં પણ કોરોનાની ઝપટે ચડી જતાં અનેક અધિકારી, કર્મીઓના કેસ પોઝીટીવ આવ્યા હતાં. જયારે ફરી એકવાર દ્વારકા જિલ્લામાં કોરોનાએ સરકારી કચેરીના રાઉન્ડ લેતા દોડધામ મચી જવા પામી છે.

(12:55 pm IST)
  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST

  • તામિલનાડુઃ વાવાઝોડા પૂર્વે રાજયમાં ભારે વરસાદઃ ટ્રેનો-ફલાઇટ કેન્સલ : ચેન્નાઇઃ તામિલનાડુ અને પોંડીચેરીમાં ચક્રવાતી વાવાઝોડુ નિવાર ત્રાટકે તે પૂર્વે રાજયમાં ભારે વરસાદ પડી રહ્યો છે. દરીયામાં ઉંચી લહેર ઉઠી રહી છે. વાવાઝોડુ ૧ર૦ થી ૧૩૦ કિ.મી.ની ઝડપે ફુંકાય તેવી શકયતા છે. અનેક ફલાઇટો રદ કરી દેવાઇ છેઃ ટ્રેનો પણ કેન્સલ કરાઇ છેઃ વાવાઝોડાને નીપટવા તંત્ર સજ્જ છે access_time 3:20 pm IST

  • લક્ષ્મી વિલાસ બેંકનું DBILમાં વિલીનીકરણઃ કેબિનેટની મંજુરી: સંકટમાં ફસાયેલી લક્ષ્મી વિલાસ બેંકને DBS બેંક ઇન્ડીયા લીમીટેડમાં વિલીનીકરણને કેન્દ્રીય કેબિનેટે મંજુરી આપી છેઃ રિઝર્વ બેંક ૧૭મીએ બેંકને ૧ માસના મોરેટોરિયમમાં નાખી દીધી હતી. ર૦ લાખ થાપણદારો અને ૪૦૦૦ કર્મચારીઓને રાહત થઇ કેન્દ્રના નિર્ણયથીઃ કર્મચારીઓની નોકરી યથાવત રહેશે. access_time 4:00 pm IST