Gujarati News

Gujarati News

News of Wednesday, 25th November 2020

હળવદના અગરીયાઓની માઠી : રણમાં વરસાદી પાણી ઓસર્યા ત્યાં નર્મદાનું પાણી પહોંચ્યું

(દિપક જાનની દ્વારા) હળવદ,તા. ૨૫: હળવદને અડીને આવેલા કચ્છના નાના રણમાં મીઠું પકવવાના પ્રારંભ વખતે જ નર્મદાનું પાણી રણ સુધી પહોંચી ગયું છે જેને કારણે અગરિયાઓને મીઠું પકવવામાં ફટકો પડશે તેમ મનાઈ રહ્યું છે.

રણમાં કાળી મજૂરી કરી મીઠાનું ઉત્પાદન કરતા અગરિયા પરિવારોએ વરસાદી પાણી રણમાં ઓસરતા મીઠું પકવવા ના પાટા બનાવી ગાળા ખૂંદી હજી તો માંડ તર બનાવ્યું હતું તે વખતે જ નર્મદાનું પાણી છેક રણ સુધી પહોંચી જતા અગરિયાઓની મહેનત પર પાણી ફરી વળ્યું છે હાલ નર્મદાનું પાણી છેક રણ સુધી પહોંચ્યું છે જેને કારણે અગરિયાઓને મીઠું પકવવામાં મુશ્કેલી પડશે તેમ જણાઈ રહ્યું છે.

જાણવા મળતી વિગતો મુજબ નર્મદાનું પાણી છેક રણ સુધી પહોંચવા પાછળનું મુખ્ય કારણ એ છે કે મોટાભાગે ખેડૂતો કેનાલોમાં બકનળી નાખી પાણી લેતા હોય છે પરંતુ હાલ જીરું અને ઘઉંનું વાવેતર થતું હોય જેને કારણે અત્યારે ખાસ પાણીની બહુ જરૂરત રહેતી નથી જેથી બકનળી માંથી આવતું પાણી નદીમાં કે વોકરામાં વહેતું હોય છે જેને કારણે આ પાણી સીધુ રણમા પહોંચી જતું હોવાનું સામાજિક કાર્યકર ચકુજી ઠાકોર એ જણાવ્યું હતું સાથે જ તેઓએ ખેડૂતોને અપીલ પણ કરી છે કે પાણીનો ખોટો બગાડ ન કરો જરૂર ન હોય ત્યારે જે બખનળી ચાલુ છે તેને બંધ કરવામાં આવે તો પાણીનો પણ બચાવ થાય અને રણમાં મજૂરી કરી મીઠું પકવી પેટિયું રળતા અગરિયા ભાઈઓની મહેનત પર પાણીન ફરી જાય અને મહેનત એળે ન જાય એનું પણ ધ્યાન રાખવું જોઈએ.

(11:33 am IST)
  • રાજસ્થાનમાં વધુ ૧૯ મોત: નવા 3314 કેસ : રાજસ્થાનમાં વધુ 19 મોત સાથે કોવિદનો મૃત્યુઆંક વધીને 2200 ઉપર પહોંચ્યો છે. નવા 3,314 કોરોનાના કેસો નોંધાતા કુલ કોરોના કેસોનો આંક 2,50,482 પર પહોંચ્યો છે. access_time 9:54 pm IST

  • તામિલનાડુઃ વાવાઝોડા પૂર્વે રાજયમાં ભારે વરસાદઃ ટ્રેનો-ફલાઇટ કેન્સલ : ચેન્નાઇઃ તામિલનાડુ અને પોંડીચેરીમાં ચક્રવાતી વાવાઝોડુ નિવાર ત્રાટકે તે પૂર્વે રાજયમાં ભારે વરસાદ પડી રહ્યો છે. દરીયામાં ઉંચી લહેર ઉઠી રહી છે. વાવાઝોડુ ૧ર૦ થી ૧૩૦ કિ.મી.ની ઝડપે ફુંકાય તેવી શકયતા છે. અનેક ફલાઇટો રદ કરી દેવાઇ છેઃ ટ્રેનો પણ કેન્સલ કરાઇ છેઃ વાવાઝોડાને નીપટવા તંત્ર સજ્જ છે access_time 3:20 pm IST

  • અમદાવાદમાં બગીચાઓ સવારે ૭ થી ૯, સાંજે ૫ થી ૭ જ ખુલ્લા રહેશે : અમદાવાદ શહેરના ઉદ્યાનો અને બગીચાઓ આગામી ઓર્ડર સુધી સવારે 7 થી 9 અને સાંજે 5 થી 7 દરમિયાન જ જાહેર જનતા માટે ખુલ્લા રહેશે. access_time 9:52 pm IST