Gujarati News

(નવીન જોષી દ્વારા) ઉના તા. ૨૫ : પોલીસે મોટરસાયકલની ડેકીમાં તથા થેલામાં છુપાવી લઇ જવાતો ૪૮ બોટલ ઇંગ્લીશ દારૂ તથા મોટરસાયકલ રૂ. ૪૯૨૦૦ના મુદ્દામાલ સાથે નાથળ ગામના યુવાનને પોલીસે પકડી પાડયો છે.

પોલીસ ઇન્સ્પેકટર શ્રી ચૌધરીની સુચનાથી પોલીસ હેડ કોન્સ્ટેબલ પી.પી.બાંભણીયા, અરવિંદભાઇ પરસોત્તમભાઇ, વિજયભાઇ હાજાભાઇ, ધર્મેન્દ્રસિંહ, ગોપાલસિંહ દિપસિંહ દેલવાડા ગામની નવાબંદર ચોકડી પાસે ધાંધલા તરફથી આવતું મેસ્ટ્રો મો.સા. નંબર જીજે૩૨એમ-૫૩૬૫ ઉપર આવતો મહમદ હુસેન યુસુફભાઇ શેખ (ઉ.૩૨) રહે. નાથળ તા. ઉનાવાળો કાળા ઝબલા થેલામાં રાખેલ તથા ડેકીમાં વિદેશી દારૂ વ્હીસ્કીની બોટલ નંગ-૨૪ તથા બેગપાઇપર વ્હીસ્કીની બોટલ નંગ ૨૪ કુલ ૪૮ બોટલ રૂ. ૧૯૨૦૦ તથા મોટરસાયકલ રૂ. ૩૦ હજારની મળી રૂ. ૪૯૨૦૦ની સાથે પકડી પોલીસ સ્ટેશને લાવી ગુનો દાખલ કરી ધરપકડ કરી હતી.