Gujarati News

Gujarati News

News of Wednesday, 25th November 2020

જામજોધપુરના મહિકીના ૧૧૦ વર્ષના રાયાદાદા હાલીને ખેતરે જાય : ૭ રોટલી-રોટલાનો દેશી ખોરાક

(અતુલ ચગ દ્વારા)પાનેલી મોટી,તા.૨૫ : અત્યારના આ સમયમાં જયાં માંડ ત્રીસ પાંત્રીસ વર્ષની ઉંમરે જુવાનિયા હાંફી રહે છે થોડુંક ચાલે કે કામ કરે ત્યાંતો થાકી જાય છે ત્યારે જુવાનિયાને પણ શરમાવે તેવા એક દાદા હજુ પણ દરરોજ ફટાફટ હાલીને ખેતરે પહોંચી જાય છે કોઈ જાતનો થાક લાગતો નથી ત્રણ ટાઈમનું ભોજન લઇ લ્યે છે નેં એ પણ પૂરતું સાત થી આઠ રોટલી રોટલો શાક ખીચડી કાચો સંભારો દૂધ છાસ જેવો દેશી ખોરાક ગટગટાવી જાય છે નેં જો કયાય પ્રસંગ માં જમવા જાય તો દશ બાર ઢેફલી દાબી જાય ગામમાં ઘણા લોકો તેને જુવાન ભાભાના હુલામણા નામથી પણ ઓળખે છે

જામ જોધપુર તાલુકાના મહીકી ગામના ચુવાળિયા કોળી રાયાભાઈ વાઘાભાઈ ગાંગડિયા બચપણ થીજ મહીકીમાં રહે છે પોતે ત્રણ ભાઈ અને ત્રણ બહેનો માઁ પોતે એકજ હયાત છે રાયાભાઈ નેં સંતાન માઁ ત્રણ દીકરી ત્રણ દીકરા છે જે બધા સાથે છે રાયાબાપાના પત્ની પણ હયાત છે જે હવે પગે જાબર થયાં છે રાયાબાપા પોતાની આટલી ઉંમરમાં કોઈ રોગ નથી દાંત પણ હજુ એવા નેં એવા છે આંખે નજીકનાં ચશ્માં છે બાકી નખશીશ નિરોગી શરીર. નરોડી જેવા બાપા નેં જોઈને જુવાનિયા નેં પણ ઈર્ષા આવે બાપાની આ જુવાનીનું રાઝ દેશી ખોરાક અને લીલા શાકભાજી સાથે ગાયનું ઘી દૂધ દહીં અને રોજ ચાલવાનું.

 જો બાપાની આ સાદગી જીવનમાં ઉતારિયે તો શરીરથી નરવા રહીએ સાથેજ લાબું આયુષ્ય આપણે પણ ભોગવી શકીયે.

(11:28 am IST)
  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST

  • મહારાષ્ટ્રમાં કોરોનાએ વધુ 30 જીવ લીધા: 5,439 નવા કોવિડ કેસ : મહારાષ્ટ્રમાં 5,439 નવા કોવિડ કેસ નોંધાયા છે, જે સાથે કુલ કોવિડ કેસોની સંખ્યા 17,89,800 થઈ છે; વધુ 30 મૃત્યુ સાથે કુલ મૃત્યુઆંક 46683 ઉપર પહોંચ્યો છે. access_time 9:54 pm IST

  • તામિલનાડુઃ વાવાઝોડા પૂર્વે રાજયમાં ભારે વરસાદઃ ટ્રેનો-ફલાઇટ કેન્સલ : ચેન્નાઇઃ તામિલનાડુ અને પોંડીચેરીમાં ચક્રવાતી વાવાઝોડુ નિવાર ત્રાટકે તે પૂર્વે રાજયમાં ભારે વરસાદ પડી રહ્યો છે. દરીયામાં ઉંચી લહેર ઉઠી રહી છે. વાવાઝોડુ ૧ર૦ થી ૧૩૦ કિ.મી.ની ઝડપે ફુંકાય તેવી શકયતા છે. અનેક ફલાઇટો રદ કરી દેવાઇ છેઃ ટ્રેનો પણ કેન્સલ કરાઇ છેઃ વાવાઝોડાને નીપટવા તંત્ર સજ્જ છે access_time 3:20 pm IST