Gujarati News

Gujarati News

News of Sunday, 25th October 2020

ગિરનાર રોપ-વે માટે ટિકીટના દર જાહેર થયા: નોર્મલ ટિકિટનો ભાવ ૭૦૦ રૂપિયા રહેશે: સરકાર 18% જીએસટી પણ કટકટાવી લેશે*

ગઈકાલે જૂનાગઢ ખાતે નરેન્દ્રભાઈ મોદી દ્વારા એશિયાના સૌથી લાંબા ગિરનાર "રોપ-વે"નો મંગલ પ્રારંભ કરવામાં આવ્યો. સવા બે કિલોમીટર લંબાઈના આ રોપ-વે માટે ટિકિટના દર જાહેર થયા છે.

નોર્મલ ટિકિટનો દર એક વ્યક્તિ માટે ૭૦૦ રૂપિયા રહેશે, જ્યારે તેના ઉપર 18% જીએસટી વસૂલવામાં આવશે. આમ ટિકિટનો દર રૂ. ૮૨૬ જેવો રહેશે તેમ સમજાય છે.

બાળકો માટે ટિકિટનો દર ૩૫૦ પ્લસ જીએસટી અને કન્સેશન ટિકિટનો દર ૪૦૦ રૂપિયા પ્લસ ૧૮ જીએસટી  રહેશે.

કન્સેશન ટિકિટના દર રૂપિયા ૪૦૦ પ્લસ 18% જીએસટી વસૂલવામાં આવશે.

૨૫ ઓક્ટોબરથી ૧૪ નવેમ્બર સુધી, એટલે કે દિવાળી સુધી, નોર્મલ ટિકિટનો ભાવ ૬૦૦ રૂપિયા પ્લસ 18% જીએસટી, જ્યારે બાળકો માટે ૩૦૦ રૂપિયા પ્લસ 18% જીએસટી વસૂલવામાં આવશે તેમ જૂનાગઢ ભાજપના અગ્રણી શ્રી પ્રદીપભાઈ ખીમાણીએ સોશ્યલ મીડિયા ઉપર જાહેર કર્યું છે. (વિનુ જોશી, જૂનાગઢ)

(10:12 pm IST)
  • નરેન્દ્રભાઈ મોદી વિડીયો કોન્ફરન્સ દ્વારા મંગળવારે તકેદારી અને ભ્રષ્ટાચાર વિરોધી રાષ્ટ્રીય પરિષદનું ઉદઘાટન કરશે. access_time 10:08 pm IST

  • દેશમાં કોરોનાના કેસની સંખ્યા 79 લાખને પાર પહોંચી : જોકે નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 11 વાગ્યા સુધીમાં કોરોનાના નવા 45,064 કેસ નોંધાયા:કુલ કેસનો આંકડો 79,09,049 થયો :એક્ટીવ કેસ ઘટીને 6,54,686 થયા:વધુ 58,179 દર્દીઓ સ્વસ્થ થતા કુલ 71,33,993 રિકવર થયા :વધુ 460 લોકોના મોત સાથે કુલ મૃત્યુઆંક 1,19,030 થયો access_time 12:03 am IST

  • ઉપગ્રહો બનાવવા અને છોડવા માટે વિદેશી કંપનીઓને મંજૂરી : સ્પેસ સેક્ટરમાં વિદેશી રોકાણને ઉત્તેજન આપવા માટે ભારત સરકારે અવકાશ ક્ષેત્રે ઉપગ્રહો બનાવવા અને છોડવા માટે વિદેશી કંપનીઓને મંજૂરી આપી છે. access_time 2:20 pm IST