Gujarati News

Gujarati News

News of Saturday, 23rd January 2021

ધારીમાં સિંહે ભેંસ પર હુમલો કરતા માલિકે સાવજ સાથે જીવ સટોસટની બાજી લગાવી

ઉશ્કેરાયેલા સિંહે માલિક પર જીવલેણ હુમલો કર્યો : દેકારો થતા સિંહ પણ ભાગી ગયો

અમરેલીના ધારીમાં સિંહે ભેંસ પર હુમલો કર્યો હતો જે જોઈને માલિકે સિંહને ભગાડવાનો પ્રયાસ કર્યો હતો. જેથી ઉશ્કેરાયેલા સિંહે માલિક પર જીવલેણ હુમલો કર્યો હતો. આ બનાવને લઈ આસપાસના લોકોને જાણ થતા લોકો તાત્કાલિક દોડી આવ્યા હતા અને ઈજાગ્રસ્ત માલિને હોસ્પિટલ સારવાર માટે લઈ જવામાં આવ્યો હતો. બનાવ અંગે માહિતી મળતા વન વિભાગે પણ તપાસ આદરી છે અને હુમલો કરી ભાગેલા સિંહની શોધખોળ હાથ ધરી હતી

 ધારીમાં આવેલ દહીડા વિસ્તારમાં એક સિંહ વહેલી સવારે આવી પહોંચ્યો હતો અને વાડીમાં બાંધેલા પશુ પર હુમલો કર્યો હતો. . ભેંસો પર સિંહ ત્રાટકતા જોરુભાઇએ સિંહને ભગાડવાનો પ્રયાસ કર્યો હતો. જો કે સિંહે જોરુભાઇ પર હુમલો કર્યો હતો. જો કે બુમાબુમ થતા આસપાસનાં રહીશો અને જોરુભાઇના નાના ભાઇ પણ આવી પહોંચ્યા હતા. દેકારો થતા સિંહ પણ ભાગી ગયો હતો.

આ બનાવની જાણ આસપાસના લોકોને થતા તેઓ તાત્કાલિક ઘટના સ્થળે આવી પહોંચ્યા હતા અને ઈજાગ્રસ્તને સારવાર માટે હોસ્પિટલ લઈ ગયા હતા. અત્રે નોંધનીય છે કે, જિલ્લામાં શિકારની શોધમાં આવેલા સિંહ પશુ પર હુમલો કરે ત્યારે તેના માલિકો તેને બચાવવા માટે આડા પડે છે અને તેના કારણે સિંહો પણ સ્વબચાવમાં તે વ્યક્તિ પર હુમલો કરે છે. જો કે તેના કારણે સ્થાનિકોમાં ફફડાટ ફેલાઇ રહ્યો છે

(12:32 am IST)
  • થાકેલા-હારેલા પાકિસ્તાને રશિયાની કોરોના વેકસીનને મંજૂરી આપી દીધી: પાકિસ્તાને રશિયાની સ્પૂટનીક ફાઈવ વેકસીનને ઈમરજન્સી ઉપયોગ માટે મંજૂરી આપી દીધી છે. access_time 4:42 pm IST

  • અમેરિકન બ્રોડકાસ્ટિંગ લિજેન્ડ લેરી કિંગનું લોસ એન્જલસમાં સીડર-સિનાઈ મેડિકલ સેન્ટરમાં નિધન થયું છે. અહેવાલ મુજબ તેઓને COVID19 પોઝિટિવ આવતા હોસ્પિટલમાં દાખલ કરાયા હતા. તેઓ 87 વર્ષના હતા. access_time 7:03 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 12,914 કેસ નોંધાયા :કુલ કેસની સંખ્યા 1,06,68,356 થઇ :એક્ટિવ કેસ 1,81,673 થયા: વધુ 13,162 દર્દીઓ સ્વસ્થ થતા કુલ 1,03, 28,738 થયા :વધુ 126 લોકોના મોત સાથે કુલ મૃત્યુઆંક 1,53,503 થયા access_time 11:57 pm IST