Gujarati News

Gujarati News

News of Friday, 22nd January 2021

મોરબીમાં 7 વર્ષની બાળકીના મૃતદેહના FSL રિપોર્ટમાં ચોંકાવનારો ખુલાસો : હત્યા અને દુષ્કર્મની કલમ ઉમેરાઈ

સિરામીક ફેક્ટરીમાં શ્રમિક માતા-પિતાની બાળકીનો મૃતદેહ પ્લાસ્ટિક બેગમાં બાંધેલી હાલતમાં મળેલો

મોરબીમાં 7 વર્ષની બાળકીનો નજીક ફેક્ટરીમાંથી શંકાસ્પદ હાલતમાં મૃતદેહ મળ્યો હતો .પ્લાસ્ટિક બેગમાં બાંધેલી હાલતમાં મળેલા મૃતદેહને FSLમાં મોકલવામાં આવ્યો હતો. જેના રિપોર્ટ બાદ પોલીસે હત્યા અને દુષ્કર્મની કલમનો પણ ઉમેરો કરાયો છે. અપહરણ બાદ બાળકીનો મૃતદેહ મળી આવ્યો હતો. જે બાદ પોસ્ટમોર્ટમ માટે રાજકોટ FSLની મદદ લેવામાં આવી હતી. અને રિપોર્ટમાં દુષ્કર્મની ઘટના સામે આવી હતી. 

સિરામીક ફેક્ટરીમાં શ્રમિક માતા-પિતાની બાળકીનો મૃતદેહ મળ્યા બાદથી પોલીસ હત્યા અને દુષ્કર્મના આરોપીને ઝડપવા માટે સક્રિય બની છે. જોવામાં આવે તો શહેરો અને ગ્રામિણ વિસ્તારમાંથી પણ 15 વર્ષ સુધીની બાળકીઓના અપહરણ અને દુષ્કર્મની ઘટનામાં વધારો જોવા મળી રહ્યો છે.

(12:22 am IST)
  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST

  • અમદાવાદમાં પણ સવારે ધુમ્મસભર્યું વાતાવરણઃ અમદાવાદ-વડોદરા એકસપ્રેસ હાઇવે ઉપર વાહન ચાલકોને લાઇટો ચાલુ રાખવાની ફરજ પડી : રાજકોટઃ સૌરાષ્ટ્ર સહિત ગુજરાતભરમાં છેલ્લા બે-ત્રણ દિવસથી સવારે ઝાળકવર્ષા જોવા મળે છે. દરમિયાન આવે વ્હેલી સવારે અમદાવાદમાં ગાઢ ધુમ્મસ જોવા મળેલ તો અમદાવાદ એકસપ્રેસ હાઇવે ઉપર ધુમ્મસના પગલે વાહનચાલકોને ભારે પરેશાનીનો સામનો કરવો પડયો હતો. લાઇટો ચાલુ રાખી ધીમી સ્પીડે કાર ચાલકો વાહન ચલાવતા જોવા મળ્યા હતા. access_time 11:33 am IST