Gujarati News

Gujarati News

News of Sunday, 22nd November 2020

ભાવનગરના PI માસ્ક વિના નિકળતા અમરેલીમાં દંડાયા

કાયદાના રક્ષકને કાયદાનું ભાન કરાવતી પોલીસ : કોરોનાની ગાઈડલાઈન્સનું કડક પાલન કરાવવા તંત્ર સજ્જ

રાજકોજ, તા. ૨૧ : સમગ્ર ગુજરાતમાં કોરોનાના કેસ વધી રહ્યા છે, ત્યારે માસ્કના નિયમનું તંત્ર દ્વારા ઠેર-ઠેર કડકાઈથી પાલન કરાવવાનું શરુ કરાયું છે. જેના ભાગરુપે ગઈકાલે અમરેલી શહેરમાં એસડીએમ તેમજ મામલતદાર સહિતના અધિકારીઓની ટીમે ખાસ ડ્રાઈવ ચલાવી માસ્ક વિના ફરતા લોકોને દંડ ફટકાર્યો હતો. સોશિયલ ડિસ્ટન્સનું પાલન ના કરતા દુકાનદારો તેમજ માસ્ક વિના ફરતા રાહદારીઓ અને વાહનચાલકોને નિયમ અનુસાર એક હજાર રુપિયાનો દંડ કરવામાં આવી રહ્યો હતો ત્યારે ખાનગી કારમાં જઈ રહેલા એક પોલીસ ઈન્સ્પેક્ટર પણ તંત્રના હાથે ઝડપાયા હતા.

પ્રાપ્ત વિગતો અનુસાર, ભાવનગરના વિવિધ પોલીસ સ્ટેશનોમાં પીઆઈ તરીકે ફરજ બજાવી ચૂકેલા અધિકારી પોતાની ખાનગી કારમાં મહેમાનો સાથે જઈ રહ્યા હતા. જોકે, તેમણે માસ્ક પહેરેલું ના હોવાથી તેમને પણ અટકાવવામાં આવ્યા હતા, અને નિયમ અનુસાર એક હજાર રુપિયાનો દંડ ફટકારાયો હતો. પીઆઈએ પણ પોતાની ભૂલ સ્વીકારી દંડ ભરી દીધો હતો.

સૌરાષ્ટ્રમાં હાલ રાજકોટ સહિતના જિલ્લામાં કોરોનાના કેસ વધી રહ્યા છે. વળી, દિવાળીના તહેવારોમાં સૌરાષ્ટ્રમાં મોટી સંખ્યામાં બહારથી લોકો આવ્યા હોવાના કારણે કોરોના વધુ ના વકરે તે માટે તંત્ર દ્વારા કડક કાર્યવાહી કરવામાં આવી રહી છે. જેના ભાગરુપે જાહેર સ્થળો પર સોશિયલ ડિસ્ટન્સિંગ જળવાઈ રહે તેમજ લોકો માસ્ક વિના બહાર ના નીકળે તેની ખાસ તકેદારી રખાઈ રહી છે.

લોકોના વધુને વધુ ટેસ્ટિંગ થઈ શકે તે માટે ઠેર-ઠેર સેન્ટર્સ પણ ઉભા કરાયા છે, અને જિલ્લાઓમાં બહારથી પ્રવેશી રહેલા લોકોના પણ ટેસ્ટિંગ કરવામાં આવી રહ્યા છે. કોરોના જો વકરે તો વધુ દર્દીઓને સારવાર આપી શકાય તે માટેની સવલતો પણ ઉભી કરવામાં આવી રહી છે. વધતા કેસોને ધ્યાનમાં રાખી રાજકોટમાં રાત્રી કર્ફ્યુ પણ લાદી દેવામાં આવ્યો છે.

(8:44 pm IST)
  • પેટ્રોલમાં ૮ પૈસા અને ડીઝલનાં ભાવમાં પ્રતિ લિટરે ૨૧ પૈસાનો વઘારો : પેટ્રોલિયમ પેદાશોના ભાવમાં ત્રીજા દિવસે પણ વધારો : પેટ્રોલ- ડીઝલના ભાવમાં આજે ત્રીજા દિવસે પણ વધારો થયો છે. : પેટ્રોલમાં ૮ પૈસા અને ડીઝલનાં ભાવમાં પ્રતિ લિટરે ૨૧ પૈસાનો વઘારો થયો છે. : આ ભાવ વધારો આજે સવારે છ વાગ્યા થી લાગુ થયો છે. access_time 10:35 am IST

  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST

  • કાઠમંડુમાં ચીન વિરોધી દેખાવો શરૂ થયા : નેપાળના પાટનગર કાઠમંડુથી અહેવાલો મળી રહ્યા છે કે કાઠમંડુમાં ચિન વિરોધી જોરદાર દેખાવો શરૂ થઈ ગયા છે. ચાઈનાએ નેપાળની સરહદે સંખ્યાબંધ જિલ્લાઓમાં જમીનો ઉપર દબાણ કર્યું છે તેના વિરોધમાં આ દેખાવો સર્જાયાનું જાણવા મળે છે.(ફાઇલ તસ્વીર) access_time 10:39 am IST