Gujarati News

Gujarati News

News of Sunday, 18th October 2020

પતિને માવાની તલપ લાગીને પત્ની દુષ્કર્મનો ભોગ બની

જામનગર જિલ્લામાં ૨૦ દિવસમાં દુષ્કર્મની પાંચ ઘટના : ધ્રોલ પોલીસમથકમાં ફરિયાદ નોંધાતા આરોપીઓને ઝડપી લઈ પોલીસ દ્વારા તપાસ હાથ ધરવામાં આવી

જામનગર,તા.૧૭ : જામનગર જિલ્લામાં વધુ એક દુષ્કર્મની ઘટના ધ્રોલ પોલીસમથકમાં નોંધાઈ છે. જામનગર જિલ્લામાં છેલ્લા ૨૦ દિવસમાં અલગ-અલગ પોલીસ મથકમાં ૫ જેટલા ગુન્હાઓ આ મામલે નોંધાય ચુક્યા છે. જો કે આ બનાવ મામલે પોલીસે આરોપીને ઝડપી આગળ તપાસ હાથ ધરી છે.

જામનગર જિલ્લો દુષ્કર્મની ઘટનાઓને લઈને છેલ્લા કેટલાક સમયથી બદનામ થઇ રહ્યો હોય તેમ લાગી રહ્યું છે, એક બાદ એક દુષ્કર્મની ફરિયાદો અલગ અલગ પોલીસ મથકોમાં નોંધાઈ રહી છે, ત્યારે ધ્રોલમાં એક પરિણીતાએ તેના પર બે શખ્સોએ દુષ્કર્મ આચર્યાની પોલીસ ફરિયાદ ધ્રોલ પોલીસ મથકમાં નોધાવતા પોલીસે દુષ્કર્મનો ભોગ બનનાર પરિણીતાના મેડીકલ તપાસ કરવા સહિતની કાર્યવાહી હાથ ધરી છે. આ બનાવ બાદ પોલીસે ગણતરીની કલાકોમાં જ આરોપીઓને શોધી ઝડપી પાડ્યા છે. આ બનાવમાં વાત કરીએ તો દુષ્કર્મનો ભોગ બનનાર પરિણીતા અને તેનો પતિ ધ્રોલથી હરીપર ગામ નજીક મેલડી માતાજીના મંદિરે દર્શન કરવા માટે નીકળેલા હતા, દરમિયાન પરિણીતાના પતિએ રસ્તામાં માવો ખાવા માટે ગાડી રોકાવતા ત્યાં બે શખ્સો કાદર ઉર્ફે ઓઢીયો ડફેર અને અજરુદીન ઉર્ફે અજુડો ત્યાં આવેલ અને તેણીના પતિને કહેલ કે તમે અહી શું કરો છો, જે બાદ આવેલ શખ્સોએ પરિણીતાના પતિનો મોબાઈલ લઇ અને ઢીકાપાટુંનો માર મારેલ હતો, અને ભોગ બનનારના પતિને છરી દેખાડી ત્યાંથી થોડે દૂર ઝાળી ઝાખરામાં લઇ જઈને બન્ને શખ્સોએ એક બાદ એક પરિણીતા પર દુષ્કર્મ આચર્યું હતું. આ બનાવ બાદ પરિવારજનોને આ બાબત વ્યથા વર્ણવી પરિણીતાએ તેના પર આ બન્ને શખ્સો જે પણ ધ્રોલના રહીશ છે તેના વિરુદ્ધ ધ્રોલ પોલીસ મથકમાં ફરિયાદ નોંધાવી હતી. જો કે આ બનાવ અંગે પોલીસે ગણતરીની કલાકોમાં જ આ બંને આરોપીઓને શોધી અટકાયત હાથ ધરી છે.

(7:39 pm IST)
  • દમણ પ્રશાસને ગરબાની આપી મંજૂરી: ગરબા ખેલૈયાઓ માટે આનંદના સમાચાર: મંજુરી બાદ દમણ માં થઈ શકશો ગરબા access_time 6:14 pm IST

  • આસામના તમામ સરકારી મદ્રેસા સ્કૂલોમાં ફેરવાશે : પ્રાઇવેટ મદ્રેસાને કોઈ અસર નહીં થાય : મદ્રેસા બંધ કરવા મામલે થયેલી બબાલ બાદ શિક્ષણ મંત્રી હેમંત બિસવાની ઘોષણાં access_time 7:25 pm IST

  • ડીડીસીએના પ્રમુખ પદે રોહન અરુણ જેટલી ચૂંટાયા : દિલ્હી ક્રિકેટ એસોસિયેશન (ડીડીસીએ)ના પ્રમુખ પદે સ્વર્ગસ્થ નાણામંત્રી અરુણ જેટલીના પુત્ર રોહન જેટલી ચૂંટાઈ આવ્યા છે. access_time 5:08 pm IST