Gujarati News

Gujarati News

News of Thursday, 17th September 2020

શાપર-વેરાવળમાં ટ્રકે બાઇકને ઉલાળતા ગોંડલના અશ્વિનભાઇ હિરપરાનું મોત

એકના એક પુત્રએ પિતાની છત્રછાયા ગુમાવતા પટેલ પરિવારમાં અરેરાટી

રાજકોટ તા. ૧૭ :.. શાપર-વેરાવળમાં ગત સાંજે ટ્રકે બાઇકને ઉલાળતા બાઇક સ્વા ગોંડલના પટેલ યુવાનનું મોત નીપજયું હતું. મળતી વિગતો મુજબ શાપર-વેરાવળમાં એસઆઇડીસી રોડ ઉપર અશોક લેલન ટ્રક નં. જીજે-૦૧ એફ. ટી. ૭૯૧૯ ના ચાલકે ટ્રક પુરઝડપે ચલાવી હોન્ડા નં. જીજે-૦૩ ઇએસ ૩૧૬ ને હડફેટે લઇ ટ્રકનું કલીનર સાઇડનું ટાયર હોન્ડા ચાલક અશ્વીનભાઇ નાગજીભાઇ હિરપરા (ઉ.૪૩) રે. ભવનાથ શેરી નં. ૧ જીઇબી પાછળ ગોંડલ ઉપર ફરી વળતા તેનું ઘટના સ્થળે જ મોત નિપજયું હતું. બનાવની જાણ થતા શાપર-વેરાવળનો પોલીસ કાફલો ઘટના સ્થળે દોડી ગયો હતો. અને મૃતકની લાશને પી. એમ. માટે હોસ્પીટલમાં ખસેડી હતી.  બનાવ બાદ ચાલક ટ્રક મુકી નાસી છૂટયો હતો.

મૃતક અશ્વિનભાઇ ગોંડલમાં રહે છે અને શાપર-વેરાવળમાં નોકરી કરે છે. સંતાનમાં એક પુત્ર છે જેણે પિતાની છત્રછાંયા ગુમાવતા પટેલ  પરિવારમાં એરરાટી વ્યાપી ગઇ છે. શાપર-વેરાવળ પોલીસે ટ્રક ચાલક સામે ગુન્હો દાખલ કરી તપાસ હાથ ધરી છે.

(1:09 pm IST)
  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST

  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST

  • પેટ્રોલ ડીઝલના ભાવમાં સતત પાંચમા દિવસે ઘટાડો : પેટ્રોલમાં 25 પૈસા અને ડીઝલનાં ભાવમાં પ્રતિ લિટરે 38 પૈસાનો ઘટાડો : નવો ભાવ સવારે છ વાગ્યાથી લાગુ થશે. access_time 11:34 pm IST