Gujarati News

Gujarati News

News of Thursday, 17th September 2020

જુનાગઢના પૂર્વ મહિલા મેયરને પણ કોરોના : જિલ્લામાં કુલ કેસ રર૬૪

કેશોદ પાલિકાના આઠ કર્મચારી પણ સંક્રમિત થયા

(વિનુ જોશી દ્વારા) જુનાગઢ, તા. ૧૭ : જુનાગઢના પૂર્વ મહિલા મેયરને પણ કોરોના થયો હોવાનું અને કેશોદ પાલિકાના આઠ કર્મચારી પણ સંક્રમિત થયા હોવાનું જાણવા મળેલ છે.

કોરોનાને છુટોદોર મળ્યો હોય તેમ જુનાગઢ શહેર અને જિલ્લામાં કોરોના કેસ સતત વધી રહ્યા છે. ગઇકાલે જિલ્લામાં નવા ૩૮ કેસ નોંધાયા હતાં.

જેમાં જુનાગઢ શહેરમાં ૧૮, મેંદરડા ખાતે ૬, કેશોદ-૪, માળીયા હાટીના-૩, જુનાગઢ તાલુકા અને ભેસાણમાં બે-બે અને વંથલી, માણાવદર અને માંગરોળમાં એક-એક સામે આવેલ.

જોકે બુધવારે ૩ર દર્દી સ્વસ્થ થતા તેમને ડિસ્ચાર્જ કરાયા હતાં.

દરમ્યાન જુનાગઢના પૂર્વ મેયર આદ્યાશકિતબેન મજમુદાર પણ સંક્રમિત થયા છે તેઓએ શહેરના ગાંધીગ્રામ સ્થિત પ્રાથમિક આરોગ્ય કેન્દ્ર ખાતે રેપીડ ટેસ્ટ કરાવ્યો હતો જેમાં તેમનો રીપોર્ટ કોરોના પોઝીટીવ આવ્યો હતો.

સેવાભાવી મહિલા અગ્રણી આદ્યાશકિતબેન મજમુદાર હોમ આઇસોલેટ થયા છે અને તેમની તબિયત સુધારા પર છે.

આ જ પ્રમાણે રેલ્વે સલાહકાર સમિતિના નવનિયુકત સભ્ય અને ભાજપના યુવા કાર્યકર્તા ગૌરવભાઇ રૂપારેલીયાને પણ કોરોના થયો હોવાનું જાણવા મળેલ છે.

બીજી તરફ કેશોદ નગરપાલિકાના આઠ કર્મચારીઓનો પણ રીપોર્ટ કોરોના પોઝીટીવ આવતા પાલિકા તંત્રમાં હડકંપ મચી ગયો હતો.

(1:02 pm IST)
  • અયોધ્યામાં નિર્માણ થઇ રહેલી મસ્જિદનું નામ ' બાબરી મસ્જિદ ' નહીં હોય : મસ્જિદને કોઈ નામ હોતા નથી : લોકો તેને જામા મસ્જિદ કે બાબરી મસ્જિદ તેવા નામ આપે છે : નવી નિર્માણ પામનારી મસ્જિદમાં હોસ્પિટલ ,લાયબ્રેરી ,પ્રદર્શન ,સહીત જુદા જુદા વિભાગો પણ તૈયાર કરાશે : મસ્જિદના આર્કીટેક પ્રોફેસર ડો.સૈયદ મોહમ્મદ અખ્તર access_time 12:05 pm IST

  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • દેશમાં કોરોનાનો વધતો કહેર :રાત્રે 12 વાગ્યા સુધીમાં નવા 96,782 પોઝીટીવ નોંધાયા : કુલ કેસની સંખ્યા 52,12,676 થઇ : એક્ટિવ કેસ 10.17,708 થયા : વધુ 87,778 દર્દીઓ સ્વસ્થ થતા 41,09,928 રિકવર થયા : વધુ 1175 લોકોના મોત : મૃત્યુઆંક 84,404 થયો access_time 12:47 am IST