Gujarati News

Gujarati News

News of Thursday, 17th September 2020

સાંજે અમરેલીમાં નરેન્દ્રભાઇના જન્મદિન નિમિતે દીદીની ડેલી ઓફીસનું લોકાર્પણ

કેન્દ્ર અને રાજય સરકારની યોજનાઓની માહિતી અપાશે

(અરવિંદ નિર્મળ દ્વારા) અમરેલી, તા. ૧૭ : અમરેલી જીલ્લા સહિત સમગ્ર દેશમાં દેશના યશસ્વી વડાપ્રધાન નરેન્દ્રભાઇ મોદીના ૭૦મા જન્મદિને સેવા સપ્તાહ ઉજવાઇ રહ્યો છે ત્યારે મધર કલબ ઓફ અમરેલી ટ્રસ્ટ દ્વારા દીદીની ડેલી ઓફીસનું લોકાર્પણ કરવામાં આવશે.

સંસ્થાના પ્રમુખ ભાવનાબેન ગોંડલીયા જણાવ્યું હતું કે, દીદીની ડેલીના માધ્યમથી હજારો લોકોને સરકારની યોજનાઓ અને સહાય મેળવવા દરબદર ભટકવું નહીં પડે. સરકારશ્રી દ્વારા તમામ લાભાર્થીના ખાતામાં સહાય આપવામાં આવે છે, પરંતુ માહિતીના અભાવ તેમજ ઓનલાઇન ફોર્મ પદ્ધતિના કારણે લાભાર્થીઓ આર્થિક રીતે દંડાય છે. જેમાંથી મુકિત અપાવવા માટે આ સંસ્થાના આશિર્વાદરૂપ બનશે. સંસ્થાના માધ્યમથી  દરેક ગામમાં તેમજ શહેરી વિસ્તારમાં દરેક વોર્ડમાં વધુમાં વધુ પાંચ લોકોની સમિતિ બનાવવામાં આવશે. બિનરાજકીય રીતે વિસ્તાર તેમજ ગામમાં કોઇપણ મહિલા અકાળે વિધવા બને જરૂરીયાત મંદ દીકરીના લગ્નમાં કુવરબાઇનું મામેરૂ સફળ બનાવવા માટે સંસ્થાના ઉપપ્રમુખ અલકાબેન ગોંડલીયા, નીતાબેન ચત્રોલા, અનસુયાબેન શેઠ, તેમજ સંસ્થાના મેનેજર (સી.ઇ.ઓ.) દિલસાદભાઇ શેખ જહેમત ઉઠાવી રહ્યાં છે. અમરેલી શહેરની મધ્યમમાં રોયલ પેરેડાઇઝ પ્રથમ માળ દીદીની ડેલી આજે સાંજના ચાર કલાકની લોકોની સેવા માટે ખુલ્લી મૂકાશે.

(12:59 pm IST)
  • કોરોના વાઇરસથી સંક્રમિત બીજેપી સાંસદ અશોક ગાસતિનું નિધન : હજુ બે મહિના પહેલા રાજ્યસભાના સાંસદ તરીકે શપથ લીધા હતા : ગઈકાલ બુધવારે તિરુપત્તીના લોકસભાના સાંસદ બલ્લી દુર્ગાપ્રસાદ રાવનું કોરોના વાઇરસને કારણે અવસાનથયું : આજ ગુરુવારે બીજા સાંસદનો કોરોના વાયરસે ભોગ લીધો : 2 દિવસમાં 2 સાંસદની ચિર વિદાય access_time 6:23 pm IST

  • બાબરી ધ્વંસના 48 આરોપીઓ પૈકી 16 ના મૃત્યુ થઇ ચુક્યા છે : બાકીના 32 માં લાલકૃષ્ણ અડવાણી ,મુરલી મનોહર જોશી ,ઉમા ભારતી ,સહિતનાઓનો સમાવેશ : 28 વર્ષ જેટલા લાંબા સમય સુધી ચાલેલી ટ્રાયલ દરમિયાન બાળાસાહેબ ઠાકરે ,અશોક સિંઘલ ,મહંત અવૈદ્યનાથ સહીત 16 આરોપીઓએ ચિર વિદાય લીધી : 30 સપ્ટેમ્બરના રોજ ચુકાદો access_time 12:28 pm IST

  • અયોધ્યામાં નિર્માણ થઇ રહેલી મસ્જિદનું નામ ' બાબરી મસ્જિદ ' નહીં હોય : મસ્જિદને કોઈ નામ હોતા નથી : લોકો તેને જામા મસ્જિદ કે બાબરી મસ્જિદ તેવા નામ આપે છે : નવી નિર્માણ પામનારી મસ્જિદમાં હોસ્પિટલ ,લાયબ્રેરી ,પ્રદર્શન ,સહીત જુદા જુદા વિભાગો પણ તૈયાર કરાશે : મસ્જિદના આર્કીટેક પ્રોફેસર ડો.સૈયદ મોહમ્મદ અખ્તર access_time 12:05 pm IST