Gujarati News

Gujarati News

News of Thursday, 17th September 2020

કોરોના મહામારીમાં લોકો ભયભીત છે ત્યારે

જસદણમાં તસ્કરો બિન્દાસઃ મહિલા કોર્પોરેટરના ઘેરથી બાઇક તફડાવી ગયા!!

ઘરના પાર્કીંગમાં પડેલ બાઇકનું લોક તોડી લઇ જતા સીસીટીવીમાં તસ્કરો કેદ થયા

(નરેશ ચોહલીયા) જસદણ તા. ૧૭ :.. જસદણમાં લાંબા સમય બાદ ચોર મવાલીએ દેખા દીધી અને પાલીકાના જાગૃત મહિલા કોર્પોરેટર મંજૂલાબેન ચોહલીયાના ઘરને નિશાન બનાવી પાર્કીંગમાં પાર્ક કરેલ મોટર સાયકલ તફડાવીને તસ્કર બેલડી છૂ થતી  સીસીટીવીમાં કેદ થઇ છે.

આ બાબતે સદસ્યાના પતિ નીતિનભાઇ ગોરધનભાઇ ચોહલીયાએ જસદણ પોલીસ સ્ટેશનમાં પીઆઇ જોષીને લેખીત અરજી આપી છે.

નિવાસ કૈલાસનગર પાછળ વિવેકાનંદ સોસાયટીમાં રાત્રીના ત્રણ વાગ્યા આસપાસ અમારા ઘરના ગેઇટનું તાળુ તોડીને પાર્કિગમાં પાર્ક કરેલ મોટર સાયકલ નં. જી. જે. ૦૩-જેકયુ ૯ર૮૭ સ્પ્લેન્ડર પ્લસની ચોરી થઇ છે તે અમને સવારે જાણવા મળ્યુ હતું.

બાજુમાં રહેતા પ્રદીપભાઇ ચાવના ઘર પર રહેલ સીસીટીવી તપાસતા બે ચોર બાઇક ચોરીને જતા હોવાનું જણાય છે. પીઆઇ જોષીએ તપાસ શરૂ કરી છે.

(12:03 pm IST)
  • ડ્રગ્સ રેકેટ મામલે સંસદમાં ચર્ચા બાદ આજે રાજ્યસભા જયા બચ્ચને કહ્યું કે, હું રવિ કિશનની વાત સાથે સહેમત, યુવાનોને ડ્રગ્સની લતથી બચાવવાની જરૂર: પરંતુ સમગ્ર બોલીવુડને દોષ આપવો ખોટો છે access_time 1:04 am IST

  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST