Gujarati News

ખંભાળિયા તા. ૧૬: ખંભાળિયાના ધરમપુર વિસ્તારમાં રહેતી પરિણીતાને ગોવારવાડી ધરમપુરમાં રહેતો વશરામ જેઠા કછટીયા નામના શખ્સ બ્લેકમેઇલ કરી અવાર-નવાર બળાત્કાર ગુજારી કોઇને જાણ કરીશ તો સમાજમાં બદનામ કરી જાનથી મારી નાખવાની ધમકી આપતાં બનાવ અંગે પરિણીતાની ફરીયાદ પરથી પોલીસે વશરામ કછઠીયા વિરૂધ્ધ આઇપીસી ૩૭૬, ૩૭૬(ર) સહિતની કલમ હેઠળ ગુનો નોંધી શખ્સની શોધખોળ હાથ ધરી છે.

કલ્યાણપુરના નગડીયા ગામે હુમલો

કલ્યાણપુરના ખીરસરા ગામે રહેતા જયેશભાઇ કેશુભાઇ ગોસાઇ (ઉ.વ. ૩ર) નામના યુવક ગઇકાલે નગડીયા ગામની સીમમાં જવાના રસ્તેથી પસાર થઇ રહ્યાં હતાં ત્યારે મેરામણ લાખા કુવડીયા, વજશી લાખા કુવડીયા, માલદે વશી કુવડીયા, રણમલ વજશી કુવડીયાએ લોખંડના પાવડાના હાથા વડે મારમારી જાનથી મારી નાખવાની ધમકી આપતાં યુવકને લોહી લુહાણ હાલતમાં સારવાર માટે ખસેડવામાં આવ્યો હતો. બનાવ અંગે યુવકની ફરીયાદ પરથી ચારેય શખ્સો વિરૂધ્ધ ગુનો નોંધી પોલીસે શોધખોળ હાથ ધરી છે. પોલીસની પ્રાથમિક તપાસમાં ફરીયાદી જયેશભાઇએ બે વર્ષ પહેલાં મેરામણ લાખા કુવડીયા પાસેથી નવગડીયા સીમ પાસે આવેલી સાત વિઘા જમીન લીધી હોય જે આરોપીઓને ગમતું ન હોવાથી હુમલો કર્યો હોવાનું બહાર આવ્યું છે. પોલીસે વિશેષ તપાસ હાથ ધરી છે.