Gujarati News

Gujarati News

News of Wednesday, 14th February 2018

ભાવનગરમાં ૯૦ હજારની ઘરફોડી

સિંધી વેપારી લગ્ન પ્રસંગે જૂનાગઢ ગયેલ

ભાવનગર, તા. ૧૪ :. ભાવનગરમાં સિંધી વેપારી ભત્રીજાના લગ્ન પ્રસંગે જૂનાગઢ ગયા હતા ત્યારે તસ્કરો બંધ મકાનને નિશાન બનાવી રોકડ તથા ઘરેણા મળી કુલ રૂ. ૯૦ હજારની મત્તાનો હાથફેરો કરી નાસી છૂટયા હતા.

ચોરીના આ બનાવની મળતી વિગતો મુજબ શહેરના સિંધુનગર પાછળ આવેલા ગોપાલ પાર્ક પ્લોટ નં. ૨૦૦૦ / 'એ' મા રહેતા સિંધી વેપારી કૈલાસપતિ ભજનલાલ કિમતાણી તેના ભત્રીજાના લગ્ન પ્રસંગે પરિવાર સાથે જૂનાગઢ ગયા હતા ત્યારે તેના બંધ મકાનમાં ત્રાટકી તસ્કરોએ દરવાજાનું સ્ટોપરનું હેન્ડલ તોડી અંદર પ્રવેશી કબાટમાં રાખેલા રોકડા રૂ. ૭૫ હજાર તથા સોના-ચાંદીના ઘરેણા મળી કુલ રૂ. ૮૯૫૦૦ની મત્તાનો ચરી કરી નાસી છૂટયા હતા.

બનાવની જાણ થતા જ બી-ડિવીઝન પોલીસનો સ્ટાફ ઘટના સ્થળે દોડી ગયો હતો અને તપાસ હાથ ધરી હતી.

(11:24 am IST)
  • ૧૯ ફેબ્રુઆરી સોમવારથી ગુજરાત વિધાનસભા સત્રનો પ્રારંભ થશે access_time 3:40 pm IST

  • નેપાળની ઐતિહાસિક સંસદીય ચૂંટણીઓમાં ડાબેરી ગઠબંધનની મોટી જીત બાદ સીપીએન-યુએમએલના ચેરમેન કે.પી. શર્મા ઓલી (65 વર્ષ) ફરી એક વખત દેશના વડાપ્રધાન બન્યા છે. ગુરુવારે તેમણે બીજી વખત નેપાળના વડા પ્રધાન તરીકે શપથ લીધા હતા. ભારત સાથે રોટી - પુત્રીનો સંબંધ ધરાવનાર પાડોશી દેશ નેપાળના નવા વડાપ્રધાન ઓલીને ચાઇનાનાં સમર્થક માનવામાં આવે છે. access_time 1:50 am IST

  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST