News of Wednesday, 14th February 2018

ગોંડલમાં મરચા દળવાના કારખાનામાં આગ ભભુકીઃ ૭ થી ૮ લાખના મરચા બળીને ખાક

ગોંડલ તા. ૧૪: ગોંડલમાં ભોજરાજપરામાં મરચા દળવાના કારખાનામાં આગ ભભુકતા ૭ થી ૮ લાખના મરચા બળીને ખાક થઇ ગયા હતા.

મળતી વિતો મુજબ ગોંડલ ભોજરાજપરામાં સ્મશાન પાસે આવેલ રેશમ મસાલા નામના મરચા દળવાના કારખાનામાં પડેલ મરચાના જથ્થામાં અચાનક આગ ભભુકતા નાસભાગ મચી ગઇ હતી.

બનાવ અંગે ફાયર બ્રિગેડને જાણ કરાતા ફાયરના બે બંબાએ પાણીનો મારો ચલાવી આગને કાબુમાં લીધી હતી. જોકે, તે પૂર્વે કારખાનામાં પડેલ કાશ્મીરી મરચાની ૭૦ થી ૭પ બોરી સળગીને ખાક થઇ ગઇ હતી.

રેશમ મસાલા નામના કારખાનાના માલીકે જણાવ્યું હતું કે, કાશ્મીરી મરચાની ૧૦૦ થી વધુ બોરી પડી હતી. ૩૦ થી ૩પ બોરીને કાઢી લેવાઇ હતી પણ બાકીની ૭ થી ૮ લાખની ૭૦ થી ૭પ મરચાની બોરી સળલીને ખાક થઇ ગઇ હતી. આગ કયાં કારણોસર લાગી તે બહાર આવ્યું નથી.

(1:39 pm IST)
  • મુંબઇ મહાનગરપાલિકા(BMC)એ સલમાનખાનની પ્રખ્યાત NGO સંસ્થા 'બીઈંગ હ્યુમન'ને બ્લેકલીસ્ટમાં મૂકી દીધી છે. 'બીઈંગ હ્યુમન' પર આરોપ છે કે તેણે BMCની સાથે વચનભંગ કર્યો છે. આ માટે BMCએ સંસ્થાને કારણ દર્શાઓ નોટીસ પણ ફટકારી છે. મુંબઈ મીરરના એહવાલ અનુસાર બીઈંગ હ્યુમન' ફાઉન્ડેશને બંદર વિસ્તારમાં ડાયાલીસીસના યુનિટ બનાવવાના હતા, જેના લીધી મધ્યમ અને ગરીબ વર્ગના લોકોને સસ્તી સારવાર મળી રહે, પરંતુ બીઈંગ હ્યુમન' ફાઉન્ડેશને હજુ સુધી આ યુનિટો ચાલુ નથી કર્યા. access_time 2:25 pm IST

  • પાટણ કલેક્ટર ઓફિસમાં જ દલિત યુવાન ભડભડ સળગી ઉઠ્યો : વર્ષો બાદ પણ જમીન ન મળતા આત્મવિલોપનનો કર્યો પ્રયાસ : પાટણમાં પોલિસ - ફાયર બ્રિગેડની હાજરીમાં જ દલિત યુવકે આત્મવિલોપનનો કર્યો પ્રયાસ : લોકોમાં મચી ગઈ નાસભાગ access_time 4:17 pm IST

  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST