Gujarati News

Gujarati News

News of Saturday, 14th May 2022

મોરબીમાં સગીરાનું સર્વસ્વ લુંટી બ્લેકમેલ કરી પૈસા પડાવનાર ત્રણેય શખ્શો જેલહવાલે.

-- તા. ૧૩ સુધીના રિમાન્ડ પર સોપાયા હતા આજે રિમાન્ડ પૂર્ણ થતા જેલહવાલે કર્યા.

મોરબીના સુખી પરિવારની સગીરાને સોશ્યલ મીડિયાના માધ્યમથી ફસાવી ત્રણ ઇસમોએ સર્વસ્વ લુંટી લીધું હતું એટલું જ નહિ આપત્તિજનક ફોટો અને વિડીયો બનાવી બ્લેકમેલ કરી રૂપિયા પડાવ્યા હોય જે ગુનામાં પોલીસે ત્રણેય આરોપીને ઝડપી લઈને તા. ૧૩ સુધીના પોલીસ રિમાન્ડ મેળવ્યા હતા જે રિમાન્ડ આજે પૂર્ણ થતા આરોપીને કોર્ટમાં રજુ કરીને જેલહવાલે કરવામાં આવ્યા છે
મોરબીના પોશ વિસ્તારમાં રહેતા સુખી સંપન્ન પરિવારની સગીર વયની દીકરીને ફસાવી ત્રણ ઇસમોએ દુષ્કર્મ આચર્યું હતું તેમજ ફોટો વિડીયો બનાવી સગીરાને બ્લેકમેલ કરીને રૂપિયા પડાવ્યા અંગેનો ગુનો નોંધાયો હતો જે બનાવ મામલે પોલીસે આરોપી મિત ચંદુભાઈ શીરોહિયા અને આર્યન શબ્બીર સોલંકી એમ બે આરોપીને ઝડપી લીધા બાદ ત્રીજો આરોપી હર્ષ કાંતિભાઈ સાણંદીયાને પણ ઝડપી લીધો હતો જે ત્રણેય આરોપીના તા. ૧૩ સુધીના રિમાન્ડ મંજુર કરવામાં આવ્યા હતા અને આજે રિમાન્ડ પૂર્ણ થતા ત્રણેય આરોપીને જેલહવાલે કર્યા છે.

 

(1:03 pm IST)