Gujarati News

અમરેલીઃ અત્રેના ઠેબી ડેમમાં કોઇ હોસ્પિટલના સંચાલકોએ એકસ્પાયરી ડેટની દવાનો જથ્થો ઠાલવી ગયુ હોઇ જાહેર આરોગ્ય જોખમમાં મુકાયુ છે. આ દવાનો જથ્થો પાણીમાં ભળી જવાથી લોકોના આરોગ્યને ગંભીર અસર પહોંચવાની ભીતિ સર્જાઇ છે. ડેમમાં ઠાલવેલો દવાનો જથ્થો નાના બાળકોને અપાતી દવા હોવાનું તેના (કન્ટેઇન) (તત્વ) ઉપરથી જણાઇ આવે છે અને આ દવા નાના બાળકોને અપાતી હોઇ કોઇ બાળકોની હોસ્પિટલના સંચાલકોએ ડેમમાં દવાનો જથ્થો ઠાલવી જાહેર આરોગ્ય સાથે ચેડા કરવા સમાન કૃત્ય કર્યાનુ ચર્ચાઇ રહ્યુ છે. આ બાબતે તંત્રવાહકો તાકીદે તપાસ હાથ ધરી જરૂરી પગલા લ્યે તેવી લોકમાંગ ઉઠવા પામી છે. (તસ્વીર-અહેવાલઃ અરવિંદ નિર્મળ-અમરેલી)