Gujarati News

Gujarati News

News of Tuesday, 13th February 2018

મુંદરાના દલિત યુવાને ભુજ એસપી કચેરી સામે પેટ્રોલ પી લેતા ચકચાર

હુમલાની ફરીયાદમાં પોલીસે દાદ ન આપતા નારાજ યુવાને પેટ્રોલ પીધુઃ મુંદરા પોલીસ કહે છે ફરીયાદીનો પબ્લીસીટી સ્ટન્ટ

ભુજ, તા. ૧૩ : મુંદરાના બારોઇ રોડ ઉપર રહેતા જયેશ કરશન કાતરીયા (આહીર) એ ભુજની ડીએસપી કચેરીમાં પેટ્રોલ પી લેતા દોડધામ મચી ગઇ હતી.

સારવાર માટે દાખલ કરાયેલા જયેશ કાતરીયાએ આક્ષેપ કર્યો હતો કે તેના ઉપર મુંદરાના શકિતસિંહ રાઠોડ અને તેના સાગરીતોએ હુમલો કરી માર મારતા તેણે પોલીસને જાણ કર્યા છતાં'યે પોલીસ આવી નહીં, મોડી આવી અને ઉલ્ટો તેને જ ધમકાવ્યો.

પોલીસથી નારાજ જયેશે ભુજની ડીએસપી કચેરીમાં પટ્રોલ પી લીધુ હતું. આ ઘટના બાદ દોડતી થયેલ મુંદરા પોલીસે ખુલાસો કર્યો હતો કે ફરીયાદી જયેશ વિરૂદ્ધ અંજાર -ગાંધીધામમાં ગુનાઓ નોંધાઇ ચૂકયા છે અને પોલીસે તેની કાર્યવાહી બરાબર કરી છે. પેટ્રોલ પીવાની વાત એ પબ્લીસીટી સ્ટન્ટ છે.

(11:44 am IST)
  • ઓલ ઈન્ડિયા મુસ્લિમ પર્સનલ લો બોર્ડની જાહેરાત : અનંતકાળ સુધી બાબરી મસ્જીદ મસ્જીદ તરીકે જ રહેશે અને મસ્જીદ છે : ઈસ્લામમાં શ્રદ્ધા માટે બાબરી મસ્જીદ અનિવાર્ય જરૂરીયાત છે : મુસ્લિમો કયારેય મસ્જિદને છોડશે નહિં કે મસ્જિદના બદલામાં જમીન લેશે નહિ કે મસ્જીદની જગ્યા ભેટમાં આપશે નહિં access_time 12:36 pm IST

  • હવે બેન્કો ડિફોલ્ટર્સની સાપ્તાહિક ધોરણે જાહેરાત કરશે, ૨૩ ફેબુ્રઆરીથી આરંભ : રિઝર્વ બેન્કે નવી સ્ટ્રેસ્ડ એસેટ્સ ફ્રેમવર્કમાં સુધારો કર્યો : SMA તરીકે વર્ગીકૃત્ત જેમાં રૃ. ૫ કરોડ કે તેનાથી વધુ રોકાણ ધરાવતી કંપનીઓનો સમાવેશ થતો હોય તેની ધિરાણ માહિતીનો અહેવાલ CRILCને સોંપવામાં આવશે access_time 2:34 am IST

  • કેરળમાં યુવા કોંગી નેતાનું ખૂન : કેરાળાના કન્નુર ડિસ્ટ્રીકમાં યુવા કોંગ્રેસ નેતાની કરપીણ હત્યા : કોમ્યુનિસ્ટ પાર્ટી ઉપરના આરોપ સાથે જીલ્લામાં ૧૨ કલાકની હડતાલનું કોંગ્રેસનું એલાન access_time 4:16 pm IST