Gujarati News

ભુજ, તા. ૧૩ : મુંદરાના બારોઇ રોડ ઉપર રહેતા જયેશ કરશન કાતરીયા (આહીર) એ ભુજની ડીએસપી કચેરીમાં પેટ્રોલ પી લેતા દોડધામ મચી ગઇ હતી.

સારવાર માટે દાખલ કરાયેલા જયેશ કાતરીયાએ આક્ષેપ કર્યો હતો કે તેના ઉપર મુંદરાના શકિતસિંહ રાઠોડ અને તેના સાગરીતોએ હુમલો કરી માર મારતા તેણે પોલીસને જાણ કર્યા છતાં'યે પોલીસ આવી નહીં, મોડી આવી અને ઉલ્ટો તેને જ ધમકાવ્યો.

પોલીસથી નારાજ જયેશે ભુજની ડીએસપી કચેરીમાં પટ્રોલ પી લીધુ હતું. આ ઘટના બાદ દોડતી થયેલ મુંદરા પોલીસે ખુલાસો કર્યો હતો કે ફરીયાદી જયેશ વિરૂદ્ધ અંજાર -ગાંધીધામમાં ગુનાઓ નોંધાઇ ચૂકયા છે અને પોલીસે તેની કાર્યવાહી બરાબર કરી છે. પેટ્રોલ પીવાની વાત એ પબ્લીસીટી સ્ટન્ટ છે.