Gujarati News

ધોરાજી તા.૧૩ : નાની પરબડી ગામે પ્રાથમિક શાળામાં શિક્ષિકા તરીકે નોકરી કરતા કલ્પનાબેન શૈલેષભાઇ ખંભાવતા (ઉ.વ.૪૦) અને તેના પતિ શૈલેષભાઇ પ્રવિણભાઇ ખંભાવતા (ઉ.વ.૪૧) તેની પુત્રી નિરજા (ઉ.વ.૭) જેતપુરથી ધોરાજી આવતા હતા અને ગુંદાળા ગામ પાસે બાઇકમાં એકાએક પંચર પડતા કાબુ ગુમાવતા ત્રણેય ફંગોળાયા અને ડિવાઇડર સાથે અથડાતા ત્રણેયને ઇજા થતા ૧૦૮ને જાણ કરેલ અને સમયસર ન આવતા અંતે ધોરાજીના સેવાભાવી યુવાનો ખોડલધામના દર્શને પરત આવતા તેઓએ પાનેલીની એબલુસર રોકી ત્રણેયને સારવાર માટે ધોરાજીની સરકારી દવાખાને લવાયા હતા અને ઇજા પામનાર શૈલેષભાઇ ધોરાજીની આદર્શ સ્કુલમાં અંગ્રેજી વિભાગમાં શિક્ષત તરીકે નોકરી કરે છે. સ્કુલના ટ્રસ્ટી કાર્તીકેયભાઇ પારેખને જાણ કરતા તેઓ અને સ્ટાફબંધુ હોસ્પિટલ ખાતે દોડી આવેલ ધોરાજીમાં યોજાનારી ચૂંટણીને લઇને મીટીંગમાં આવતા હતા અને ઘેર કોઇ ન હોવાથી નાની પુત્રીને સાથે લીધી હતી અને તેને પણ ઇજાઓ થયેલ હતી અને ત્રણેને વધુ સારવાર માટે જુનાગઢ ખસેડાયેલ હતા.